جاپان اٹی 6.0 شدت نا زمی جمب، سونامی وارننگ جاری کننگتو

ٹوکیو۔ 09 دسمبر (اے پی پی) جاپان نا جزیرہ کیوشو نا کرکی شار انا گوشیما ٹی زمی جمب نا لوڈو محسوس کننگانے ہرانا شدت ریکٹر اسکیل آ 6.0 ئس۔ چینی خبررساں ادارہ جاپان نا محکمہ موسمیات نا بابت پارے کہ زمی جمب پنچ شنبے آ ہندی وخت انا رداٹ دے انا 11 بجہ نا خڑک (پاکستانی ٹائم 7 بجہ سہب آ) بس، ہرانا شدت ریکٹر اسکیل آ 6.0 ریکارڈ کننگا۔ زمی جمب نا مرکز 20 کلومیٹر ڈغار نا تہٹی ئس ولے سونامی نا وارننگ جاری کننگتنے۔