اقوام متحدہ۔ 08 دسمبر (اے پی پی) اقوام متحدہ نا جنرل اسمبلی سلہہ غاتا چٹفنگ نا بابت پاکستان نا پیش کروک 4 قرارداد آتا بھلو گیشتری اسے اٹ منظوری ءِ تسنے ہرانا مسخت ڈیہہ و جہانی امن و سلامتی ءِ سوگو کننگ ءِ۔ داکان مست اقوام متحدہ نا سلہہ غاتا چٹفنگ و جہانی سلامتی امور نا اولیکو کمیٹی داقرارداد آتا مسودہ غاتیا تینا سلاہ و سوج آتے تسوسس۔ دا قرارداد آتیٹی 3 قرارداد علاقائی کہول آ سلہہ غاتا چٹفنگ، علاقائی و ذیلی علاقائی کہول آتیا روایتی سلہہ غاتا کنٹرول اتون اوار اوار علاقائی و ذیلی علاقائی تناظر اٹ پت سازی نا گام گیج (سی بی ایمز) وخت اس کہ چارمیکو قرارداد جوہری سلہہ تخپروک آ ریاست آتیکن سیکورٹی ءِ پک کننگ نا بابت ئس۔ ’’جوہری سلہہ غاتا کاریم اٹ اتنگ و اوفتا کاریم اٹ اتنگ نا خطرہ غاتیان غیر جوہری ریاست آتا رکھ اکن گچین جہانی گام گیج آتے پک کننگ‘‘ نا سرحال آ مبنی قرارداد نا مخ تفی ٹی 126 وونٹ تما، مخالفت اٹ ہچ ءُ وونٹ اس اف وخت اس کہ 59 باسک ریاست آک ووٹنگ اٹ بشخ ہلتور۔ داقرارداد آتا شڑت آتا رداٹ جنرل اسمبلی جوہری سلہہ غاتا کاریم اٹ اتنگ یا کاریم اٹ اتنگ نا خطرہ غاتا برخلاف غیر جوہری سلہہ والا ملک آتا رکھ اکن گچین جہانی بست وبند آتیا زوت معاہدہ نا دمدستی گرج  ءِ پک کرے و غٹ ملک آک خاص وڑاٹ جوہری سلہہ تخوک آ ملک آتیان خواست کریر کہ او علاقائی جہانی گام گیج کن اسہ اسیجائی نقطہ نظر کن فعال وڑاٹ کاریم کیر۔ ’’علاقائی و ذیلی علاقائی کہول آتیا روایتی سلہہ غاتا کنٹرول‘‘ نا سرحال آ مبنی قرارداد نا مخ تفی ٹی 173 وونٹ تما، مخالفت اٹ 2 ملک بھارت و روس کریر و 2 ملک آک ووٹنگ نا عمل اٹ بشخ ہلتور۔ ’’علاقائی سلہہ غاتا توننگ‘‘ و ’’ علاقائی و ذیلی علاقائی رداٹ پت سازی نا گام گیج‘‘ ملک آک ووٹنگ نا عمل اٹ بشخ ہلتور۔ ’’علاقائی سلہہ غاتا توننگ‘‘ و ’’ علاقائی و ذیلی علاقائی رداٹ پت سازی نا گام گیج‘‘ نا سرحال آن قرارداد امنائی سلاہ اٹ منظور کننگا۔ سفارتکار آک پاکستان نا سرکاری خبررساں ادارہ ایجنسی اے پی پی نا سوج انا ورندی ٹی پارے کہ اقوام متحدہ نا جنرل اسمبلی نا کنڈآن قرارداد آتا منظوری پاکستان نا علاقائی و جہانی سلہہ غاتا چٹفنگ نا مسخت آتے مون آ دننگ تون اوار اوار جہانی امن و سلامتی ءِ سوگو کننگ نا عزم انا اعتراف ءِ۔ علاقائی قرارداد آتے ٹی، علاقائی رداٹ پک وڑاٹ سویلی ایشیاٹی روایتی فوجی خطرہ نا کنڈآن چکار کرفنگانے و داڑتون تعلقدار خطرہ غاتون مون تننگ کن گام گیج سلاہ کننگانے۔ ’’علاقائی و ذیلی علاقائی کہول آتیا روایتی سلہہ غاتا کنٹرول‘‘ آ قرارداد اٹی امنا کننگاکہ ریاست آتا دفاعی لائخی تیٹی توازن ءِ برقرار تخنگ آن امن و محکم سوگو مریک۔