ابوجا۔ 08 دسمبر (اے پی پی) نائجیریا نا ریاست سوکوٹوٹی سلہہ بند بندغ آک اسہ بس اسے خاخر تسر ہراٹی 30 مسافر ہشنگسا زوال کریر۔ برطانوی خبررساں ادارہ نا رداٹ قطب دیکی بورنوریاستی پولیس نا ترجمان سنوسی ابوبکر میڈیا ءِ پارے کہ تدوک آ دے گڑاس سلہہ بند بندغ ریاست سوکوٹوراٹی اسہ مسافر بس اسے آ جلہو کریر و بس ءِ خاخر تسر ہراٹی بس اٹی ساڑی زالبول و چناتتون اوار 30 مسافر ہشنگسا زوال کریر۔ اوپارے کہ ہندی مخلوق نا کمک آن بس آن لاش آتے کشنگا ولے دا لاش آتیان گیشتر درستی راستی نا قابل افس۔ یات سلے کہ سلہہ بند بندغ آک نائجیریا ٹی چندی چندی تشدد جلہو کرینو ہرافتے ٹی خلق والا وشار تیا سفر کروک آ مسافر آتے شست کننگانے۔
