بغداد۔ 07 دسمبر (اے پی پی) عراقی جنگی جہاز آک ملک انا دیکی صوبہ الانبار اٹی داعش نا ٹھکانہ غا فضائی جلہو کرینو ہرانا نتیجہ ٹی داعش نا 6 جنگوڑو خلنگانو۔ چینی خبررساں ادارہ عراقی فوج انا کمانڈر انچیف نا ترجمان یحییٰ رسول نا اسہ بیان اسے نا بابت پارینے کہ عراقی جنگی جہاز آک دا فضائی جلہو ءِ ہمووخت آ کریر ہراتم جہانی سیوت نا اسہ جاسوس جہاز اس صوبہ الانبار نا اسہ کرکی آ علاقہ ٹی اودیم ٹھکانہ غاتا پیدواری ءِ کریسس۔ بیان اٹی پاننگاکہ فضائی جلہو اٹی داعش نا 6 عسکریت پسند خلنگار اوکان پد عراقی فوج انا اسہ فورس اسے واقعہ نا جاگہ غا گدریفنگا ہراممکنہ وڑاٹ بھس مروک ٹھکانہ غاتا تہہ ٹی پین عسکریت پسند و سلہہ غاتیکن پٹار۔ رپورٹ نا رداٹ 2017ٹی عراقی فورس آتا کنڈآن داعش ءِ شکست تننگ آن پد آن عراق اٹی سیکورٹی نا حالیت گچین مننگ ءِ ولے داعش نا ایلوک ہموتم آن شاری ہند، کرک و آوار علاقہ غاتیٹی ساڑی ءُ ہرا سیکورٹی فورس و شاری تا برخلاف گوریلا جلہو کیرہ۔
