واشنگٹن۔ 24 نومبر (اے پی پی) امریکی صدر جوبائیڈن جمہوریت آ 9 دسمبر آ مروک آ 2 دے ئی ورچوئل دیوان اٹی پاکستان، بھارت و عراق تون اوار کم و ود 110 ملک آتے بشخ ہلنگ نا سلہ خلکونے۔ فرانسیسی خبررساں ادارہ نا رداٹ امریکی وزارت خارجہ ناویب سائٹ آ ہمو ملک آتا لڑءِ جاری کننگاہرافتے ورچوئل دیوان اٹ بشخ ہلنگ نا سلہ خلنگانے۔ او ملک آتے ٹی اسرائیل، عراق، برازیل و تائیوان ہم اوار ءُ وخت اس کہ داکانفرنس اٹ گمانی وڑاٹ چین و روس ءِ بٹنگتنے و نئے امریکہ نا روایتی عرب سیوتی ملک، مصر، سعودی عرب، اردن، قطر و متحدہ عرب امارات ءِ بشخ ہلنگ نا سلہ خلنگانے۔ یورپی یونین تون کانود نا حکمرانی نا بے شرفی آ جھیڑہ نا سوب آن یورپی ملک آتا نمائندگی ءِ پولینڈ کیک وخت اس کہ افریقی ملک ، کانگو، کینیا سویلی افریقہ، نائیجیریا و نائجر ءِ بٹنگ انگانے۔
