کابل۔ 23 نومبر (اے پی پی) اوغانستان نا دے ٹکی صوبہ ننگرہار اٹی داعش نا کم و ود 100 انا خڑک عسکریت پسند سلہہ بٹیر۔ چینی خبررساں ادارہ نا رداٹ اسہ ہندی ءُ کارندہ اس پک کرے کہ اوغانستان نا دے ٹکی صوبہ ننگرہار اٹی اسلامک اسٹیٹ تون وابستہ 100انا خڑک عسکریت پسند سلہہ بٹینو۔ ننگرہار جی ڈی آئی آفس نا ڈائریکٹر محمد بشیر میڈیا ءِ پارے کہ سے شنبے نا سہب اتون صوبائی دارالحکومت جلال آباد شار اٹی داعش یا آئی ایس نا کم و ود 100 عسکریت پسند ننگرہار جنرل ڈائریکٹوریٹ آف انٹیلی جنس (جی ڈی آئی) نا کارندہ غاتا مون آ سلہہ بٹیر و سلہہ بٹوک آ عسکریت پسند مہمند درہ، چپرہار، کوٹ و خوگیانی ضلع غاتے ٹی سرگرم ئسر۔ کارندہ پارے کہ مسکوہی باغی تا سلہہ بِٹنگ آن ، مشی آ صوبہ ٹی امنو سوگوی پین سوگو مریک۔
