اقوام متحدہ۔ 23 نومبر (اے پی پی) اقوام متحدہ سویلی سوڈان اٹ نوکاپ تون مون تننگ کن اسہ کروڑ 30 لکھ ڈالر نا ہلہلہ ئی فنڈ جاری کرے۔ اقوام متحدہ نا سیکرٹری جنرل انسانی امور و ہلہلہ ئی امداد نا کوآرڈنیٹر مارٹن گریفتھس سویلی سوڈان اٹ بھلو کچ اسے آ نوکاپ نا دمدستی ردعمل اٹ اقوام متحدہ نا مرکزی ہلہلہ ئی کمکی فنڈ آن 13 ملین امریکی ڈالر جتا کرینے۔ اقوام متحدہ نا دفتر رابطہ انسانی امور پارے کہ ملک انا چندی بشخ آتے ٹی بھلو کچ اسے آ نوکاپ آن کم و ود 809،000 مخلوق زہمی مسنو ہراکہ تمبورا کون آ علاقہ غاتے ٹی بیدادی نا ودوک آ اثرآتیان زہمی مسنو۔ انسانی ہمدردی نا ادارہ غاک زہمی مخلوق نا گرج آتے پورو کننگ کن تینا ردعمل ءِ ودفینو۔ اقوام متحدہ پارے کہ دا پدریسہ مسٹ میکو سال ءِ ہراتم سویلی سوڈان نا بھلا بشخ نوکاپ نا زد اٹ بسنے۔ اوسی ایچ اے پارے کہ اقوام متحدہ نا ایجنسی و اونا شریدار نوکاپ آن زہمی مخلوق ءِ انسانی امداد و رکھ فراوان کیرہ۔
