نیامے۔ 18 نومبر (اے پی پی) دیکی افریقی ملک نائیجر نا سیمی علاقہ ٹی 2 سلہہ بند جلہو آتے ٹی 25 شاری زوال کرینو۔ نائیجر نا میڈیا نا رداٹ نائیجرتون سویلی ملک مالی نا سیمی شار آن ہوواو تیلیا نا علاقہ غاتے ٹی 2 سلہہ بند جلہو آتے ٹی 25 شاری زوال کرینو۔ نادرست سلہہ بند بندغ آک بلدیہ و ہیلتھ کیئر سینٹر کون آ سرکاری ماڑی تے پُلنگ آن پد خاخر تسر و علاقہ غان نرار۔ اومستی پارے کہ دا جلہو آتے ٹی بجلی نا نظام درہم برہم مس و کیبی علاقہ گھپ تہار ی ٹی ڈبنگا۔ یات سلے کہ اقوام متحدہ نا حساب وکتاب نا رداٹ نائیجر اٹی دہشت گرد آتا جلہو آتا سوب آن ساڑی آ 3 تُواٹی 3 لکھ 13 ہزار بندغ ملک انا تہہ ٹی و 2 لکھ 35 ہزار بندغ ہمسایہ ملک آتا کنڈآ ہمپینو۔
