اقوام متحدہ۔11نومبر (اے پی پی):اقوام متحدہ ء ِ سیکرٹری جنرل انتونیو گوتریش ءَ پاکستان ءِ نوبیل داد کٹ اِتگیں ملالہ یوسف زئی ءَ را آروس ءِ مراد بات داتگ ء ُ نیکیں واہشتانی درشانی کتگ۔ سیکرٹری جنرل ءِ جارچین سٹیفن دوجارک ءَ ملالہ یوسف زئی ءِ آروس کنگ ءَ سیکرٹری جنرل ءَ گوستگیں روچءَ پاکستان ءِ حال رسانکی ایجنسی اے پی پی ءِ جست ءِپسوءَ گشتگ کہ سیکرٹری جنرل ء ُ ما ملالہ یوسف زئی ءِ آروسءِ حال ءَ چہ باز وش بوتگ اَنت ء ُ پہ ملالہ آئی ءِ لوگ واجہ ءِ زندءِ نوکیں سفر ءِ تہا وشیانی ھاترءَ دعا کنگ ءَ اَنت۔ جارچین ءَ گشتگ کہ منی ھیال ءَ ہرکس ءَ کہ ملالہ ء ُ آئی ءِ لوگ واجہ ءَ را آروس ءِ مراد بات ناداتگ آیانی سینگ ءَ دل ءِ جاہ ءَ سینگے ایر اِنت۔
