بیجنگ۔ 10 نومبر (اے پی پی) چائنا کوسٹ گارڈ و پاکستان میری ٹائم سیکورٹی ایجنسی نا نیام اٹ بڑزکو کہول نا ویڈیو لنک دیوان اس اڈ ہلک ہراٹی ہڑتوم آ ملک آتا فریق آک سمندری کانود نا نفاذ کن کمکاری ءِ مون آ دننگ آ امناکریر۔ چین نا وزارت قومی دفاع چارشنبے نادے آ اسہ بیان اسے ٹی پارے کہ ورچوئل دیوان اٹی ہڑتوم آ ملک آتا فریق آک ساڑی سال تیٹی کمکاری آن دوئی مروک آ فائدہ غاتا جاچ ءِ ہلکر، آخبت اٹ پین کمکاری ءِ مون آ دننگ تون اوار نا تعین کننگ و تین پہ تینی ویل آتیا گپ وتران کننگا۔ ہڑتوم آ فریق آک داعزم انا درشانی ءِ کریر کہ چین و پاکستان نا نیام اٹ 70 سالہ سفارتی تعلقداری آن فائدہ ہرفرہ و سمندری کانود نافذ کننگ کن کمکاری ءِ مون آ دننگ و اسیجائی آخبت نا عزم اتون میری ٹائم کمیونٹی نا تعمیر ءِ مون آ دننگ کن اواری اٹ کاریم کیرہ۔
