بیجنگ۔9نومبر (اے پی پی):چین ءِ وزارت ءِ درئی کار ءَ دمگی تک ءَ اوگانستان ءِ ھوالگ بھارت ءَ بوھوکیں ریجنل سیورٹی ڈائیلاگ ءَ بھر زوری کنگ ءَ چہ انکار کتگ۔ چینی وزارت ءِ درئی کار ءِ ترجمان وانگ ون بن ءَ ھمک روچ نیوز بریفنگ ءِ ساھت ءَ بھارت ءَ دمگی تک ءَ او گانستانءِ سر ءَ سیکورٹی دیوان بھر زورتی ءِ بابت ءَ جست آنی پسو ءَ گوشت کہ دیوان ءِ شیڈول ءِ سبب ءَ چین ءِ واستہ اے دیوان ءَ بھر زوری کت نہ کنت۔ ما اے ھوالگ ءَ بھارت ءَ را پیسر ءَ گوشتگ بوتگ۔ یات دارگ بہ بیت کہ گوستگیں ماہ روس، چین ، ایران ، پاکستان ءُ توامیں نیامی ایشیائی ملک ءَ را اوگانستان ءِ دمگی تک ءَ 10 نومبر ءَ بوھوکیں سیکورٹی دیوان ءَ دعوت داتگ بوتگ۔ پاکستان ءَ پیسر ءَ چہ دیوان ءَ بھر زوری ءَ چہ انکار کتگ بوتگ۔ پاکستان ءِ راجی سلامتی ءِ شمیر معید یوسف ءَ گوشت کہ آ کانفرنس ءَ نہ روت، ایمنی ءَ را ھراب کنوک ایمنی ءِ واھند بوت نہ کنت۔
