نیروبی۔ 05 نومبر (اے پی پی) کینیا نا سمبوروکاؤنٹی نا سوئیان علاقہ ٹی داڑیل و شوہان تا نیام اٹ سم کاری ٹی 14 بندغ زوال و 5 پین ٹھپی مسنو۔ چینی خبررساں ادارہ سمبوروکاؤنٹی نا کمشنر عبدالرزاق جلدیسا نا بابت پارے کہ دا واقعہ تدوک آ نن سوئیان نا علاقہ ٹی ہمووخت آ پیش بس ہراوخت آ داڑیل آک ہموجاگہ نا خلق آ جلہو کریر و کم و ود اسہ ہزارناخڑک ساہدار تے پلار دریر۔ ہنداوخت آ داڑیل و شوہان تا نیام اٹ اسہ ایلو آ سم کاری مس ہراٹی ہشت شاری زوال 5 ٹھپی و 6 جلہو گیر ہم زوال کرینو۔ ہندی پولیس پارے کہ داڑیل و شوہان تا نیام اٹ جنگ اٹی 14 بندغ زوال کرینو ولے گڑتی نا رداٹ زوال آتا کچ اٹی ودکی مننگ کیک۔ ریسکیو ٹیمک لاش و ٹھپی تے خڑک انا ہسپتال آ مون تسنو۔
