ابوجا۔ 04 نومبر (اے پی پی) قطب دے ٹکی نائیجیریا نا ریاست اداماوا نا خلق اٹی سلہہ بند پڑک جلہو کرسا 7 بندغ ءِ کسفے و ہفت ءِ ٹھپی کرینے۔ چینی خبررساں ادارہ ریاست اداماوار پولیس نا ترجمان سلیمان نگوروجے نا پریس حوال نا بابت پارے کہ سلہہ بند پڑک ریاست اداماوا نا خلق نیگاغا جلہو کرے ہراڑآن 7 بندغ زوال و ہنداخس ٹھپی مسر، ٹھپی مروک آتے خڑک انا ہسپتال آ گدریفنگانے۔ اوپارے کہ پولیس جلہو گیر آتا دزگیری کن علاقہ ٹی اسہ خصوصی ءُ ٹیم اس تعینات کرینے۔ نائیجیریا ٹی ساڑی آ منہ تُواٹی جلہو آتا چرجوئی برجاءِ ہراڑآن زوال کروک و برمتہ نا چندی واردات مون آ بسنے۔
