واشنگٹن۔ 27 جولائی (اے پی پی) امریکی ڈیموکریٹک پارٹی نا صدارتی اومیتدار جوبائیڈن پارینے کہ گچین کاری تیٹی سرسہبی دوئی کننگ نا حالیت اٹ تینا کابینہ ٹی مسلم باسک آتے اوار کیوہ۔ برطانوی خبررساں ادارہ نارداٹ امریکی ڈیموکریٹک پارٹی نا صدارتی اومیتدار جوبائیڈن امریکی صدر ٹرمپ ءِ شیف خلسا پارینے کہ 7 مسلم ملک آتا بندغ آتیا امیگریشن نا پابندی خلنگ واکداری تا ناروا کاریم اٹ اتنگ ءِ۔ جوبائیڈن نا ویڈیو بیان اٹ پاننگ ئس کہ اگہ ای صدر مسٹ تو اولیکو دے آ مسلم پردیسی تیا خلوک پابندی ءِ چٹفیوہ۔ اونا پاننگ ئس کہ ملک اٹ سیاہ فام آن مست مسلم کمیونٹی صدر ٹرمپ انا جلہو نا گواچی مسوسر۔ دا انتظامیہ اسلاموفوبیا نا گواچی ءُ۔ جوبائیڈن پارے کہ ٹرمپ انتظامیہ نا اسلاموفوبیا نا نظریات آتا سوب اسکول آتیٹی مسلم چناتتون بدسلوکی اتون اوار اوار ملک اٹ مسلم مخالفت خارتس واقعہ غاتیٹی ہم ودکی مس۔
