صدر مملکت 22 آن 24 اکتوبر آ جرمنی نا دورہ ءِ کیک، دفتر خارجہ

اسلام آباد۔ 22 اکتوبر (اے پی پی ) صدر مملکت آصف علی زرداری22آن  24 اکتوبر 2026 اسکان جرمنی نا دورہ ءِ کیک ۔ پنچ شنبے نا دے آ دفترخارجہ نا ترجمان نا کنڈآن جاری بیان نا رداٹ دورہ نا وخت آ صدر مملکت بنجائی جمہوریہ جرمنی نا صدر تون اوار اوار بڑزکوسرکڑدہ و کاروباری راہشون آتون اوڑدہی کیک تانکہ پاکستان و جرمنی نا ہڑتوم آ کنڈآتا تعلقداری تیا گپ وتران کننگ مرے ۔ دااوڑدہی تیٹی زرگزرانی و واپاری کمکاری آ خاص چکار کننگک ۔ دا دورہ پاکستان و جرمنی نا نیام اٹ بڑزکوکہول انا ہن و برتا بشخ ءِ ۔ و ہڑتوم آ ملک آتا نیام اٹ سفارتی تعلقداری تا جوڑ مننگ نا 75 می سال دے انا وخت آ خاص اہمیت تخک ہرادا سال اڈتننگ انگ ءِ ۔ دا ہڑتوم آ ملک آتا تین پہ تینی شریداری ءِ پین سوگو کننگ نا عزم انا عکاسی ءِ کیک ۔