اسلام آباد۔ 22 اکتوبر (اے پی پی)بنجائی وزیر زرکاری قیصر احمد شیخ پارینے کہ پاکستان زرگزرانی سوگوی و پائیدارشونداری کن زرکاری نا پوسکن ءُ وارخواہی ودی کننگ کن پدریسہ کوشست کننگ ءِ۔ زرکاریزرگزرانی بحالی نا بنداوی ذریعہ ءِ ہرا روزگار نا وارخواہی ودی کننگ ،پوسکن آ ٹیکنالوجی نا مون آ دننگ و پیداواریلائخی ٹی ودکیٹی اہم کڑد ادا کیک۔ او دا خیالآتا درشانی ءِ اسلام آباد اٹی سی ای او …
پاکستان زرگزرانی سوگوی کن زرکاری نا پوسکن ءُ وارخواہی ودی کننگ کن کوشست کننگ ءِ ، قیصر احمد شیخ
اسلام آباد۔ 22 اکتوبر (اے پی پی)بنجائی وزیر زرکاری قیصر احمد شیخ پارینے کہ پاکستان زرگزرانی سوگوی و پائیدارشونداری کن زرکاری نا پوسکن ءُ وارخواہی ودی کننگ کن پدریسہ کوشست کننگ ءِ۔ زرکاریزرگزرانی بحالی نا بنداوی ذریعہ ءِ ہرا روزگار نا وارخواہی ودی کننگ ،پوسکن آ ٹیکنالوجی نا مون آ دننگ و پیداواریلائخی ٹی ودکیٹی اہم کڑد ادا کیک۔ او دا خیالآتا درشانی ءِ اسلام آباد اٹی سی ای او سمٹ 2026 آن تران اٹی کرے ۔ سمٹ نا سرحال ’’مُشکل حالیت آتیٹی نمو: آخبت نا پوسکن ٹہیفنگ ‘‘ ئس ہراٹیپنی آ کاروباری شخصیت ، چیف ایگزیکٹو و سفارتکار آک بشخ ہلکر ۔ قیصر احمد شیخپارے کہ پاکستان ءِ چین نا زرگزرانی شونداری نا آزموندہ غاتیان فائدہ ہرفنگے ہرا مسہ دہائی اسکان پدریسہ اِرا ہندسہ نا زرگزرانی شونداری دوئی کرے ۔ او پارے کہ پاکستان اٹی انفارمیشن ٹیکنالوجی،کشت وکشار، معدنیات، توانائی، مینوفیکچرنگ و سیل و سوات تون اوار چندی بشخ آتیٹی زرکاری نا گیشتر وارخواہی ساڑی ءِ ۔ بنجائی وزیرپارے کہ بورڈ آف انویسٹمنٹ نا بنداوی مسخت زرکار آتے المی آسراتی فراوان کننگ و کاروباریسرجزآتا کسر اٹی بروک بے گرج اڑاند آتے مر کننگ ءِ ، زرکارآتا پت ءِ برقرار تخنگ کن پالیسی تیٹی تسلسل، وخت آ فیصلہ و پیدوار حکمت عملی نا گرج ءِ۔ او پارے کہ حکومت پاکستان اٹی کاروبار نا بناءِ کننگ ، ساڑی آ کاروباری سرجزآتےتالان ودفنگ و زرکاریکن سازگار چاگڑد اس فراوان کننگ کن گام گیج کننگ ءِ ،زرگزرانی شونداری نا دوئی کننگ بیرہ حکومت کن ممکن اف بلکن دا عمل اٹی نجیبشخ انا کڑدمرکزی اہمیت تخک۔ قیصر احمد شیخ حکومت و کاروباری برادری نا نیام اٹ پدریسہ گپ وتران و سوگو شریداری نا گرج آ زور شاغسا پارینے کہ پاکستان تون لائخ ورنا بندغی قوت ، گیشتر ہندی منڈی، قدرتیوسیلہ و تزویراتی محل وقوع کون آ اہموسیلہ ساڑی ءِ ہرافتے گچین حکمت عملی نا کمک اٹ زرگزرانی شونداری کن کاریم اٹ اتنگ مریک۔ اوپارے کہ پیشن نا ملکرہینگوک پاکستانی ہم زرمبادلہ نا ترسیلات آتیان بیدس زرکاری، پوسکن آ ٹیکنالوجی نا گدریفنگ و جہانی کاروباری رابطہ غاتا کمک اٹ ملکی زرگزران نا سوگوی و شونداری ٹی اہم کڑد ادا کننگ کیرہ۔ بنجائی وزیرپارے کہ مشکل زرگزرانی حالیت آتیٹی پائیدار شونداری و سوگوی نا دوئی کننگ کن مریس مدی سوچ، تین پہ تینی کمکاری و حکومت و نجی بشخ انا نیام اٹ گچین شریداری المی ءِ۔
