وزیر اعلیٰ میر سرفراز بگٹی نا مرکزی ٹیلی میڈیسن ڈیسک آ طبیچاہندارآتون اناگت رابطہ، سروس نا کارکڑد نا جاچ

کوئٹہ۔ 22 اکتوبر (اے پی پی)بلوچستان اٹی جان جوڑی نا آسراتی تے پوسکن ٹیکنالوجی نا کمک اٹ الس نا درگہ اسکان سرکننگ کن ٹیلی میڈیسن ہیلتھیونٹس کاریمنابناءِ کرینے ہراڑتون ڈیجیٹل نظام نا کمک اٹ شاری تے طبی سلاہ ومشورہ و کمکاری نا فراوانی باقاعدہ بنا کرینے۔ وزیر اعلیٰبلوچستان میر سرفراز بگٹی ٹیلی میڈیسن سروس نا کارکڑد نا جاچ ءِ ہلنگ کن مرکزی ڈیسک آ تعینات طبیچاہندارآتون اناگت رابطہ کرے سروس نا وڑوڈول ، شاری تے تروک آ طبی آسراتی و السی رسینگ نا بارواٹ سرجمی اٹ اَرفے ۔ وزیر اعلیٰ میر سرفراز بگٹی طبیچاہندار آتون گپ وتران کرسا ٹیلی میڈیسن سروس نا کمک اٹ شاری تے طبی سلاہ ومشورہ فراوان کننگ نا عمل نا جاچ ءِ ہلک ومرکزی ڈیسک آ تعیناتعملہ نا مستعدی و خذمت آتیا است جمی نا درشانی ءِ کرے۔ او پارے کہ الحمدللہ، الس تون کروک آ اسہ پین قول اس پورو کرینن ۔ ٹیلی میڈیسن سروس نا بناءبلوچستان نا الس ءِ گچینآسراتی فراوان کننگ و پوسکن ٹیکنالوجی آ ن فائدہ ہرفنگ نا کنڈآ اسہ اہم ءُ پیش رفت اسے۔ وزیر اعلیٰ پارے کہ مرمر انگا علاقہ غاتیٹی رہینگوک آ شاری تے معمولی طبی سلاہ و مشورہ کن ہم بھلو سفر اس کروئیتمک ،ہرانا سوب آن اوفتے وخت ، خڑچ و ایلومشکلات آتون مون تروئی تمک ۔ ٹیلی میڈیسن سروس نا کمک اٹ دا مشکلات آتیٹی کمتی اتنگ و شاری تے ڈیجیٹل نظام نا رداٹ طبیچاہندارآتون سلاہ ومشورہ نا آسراتی فراوان کننگ اٹ کمک رسینگک ۔ میر سرفراز بگٹی پارے کہ حکومت بلوچستان جان جوڑی تون اوار بنداوی آسراتی تا فراوانی ٹی مرمرانگا علاقہ غاتا الس نا مشکلات آتے کم کننگ کن عملی گام گیج کننگ اٹی ءِ ۔ پوسکن آ ٹیکنالوجیآن فائدہ ہرفسا طبی سلاہ ومشورہ ءِ الس کن زیاترسینگ نا قابل جوڑ کنگ وخت نا اہم گرج ءِ ، تانکہ جغرافیائی فاصلہ آب اٹ طبی راہشونی نا دوئی کننگ اٹ اڑاند جوڑ مف ۔ بلوچستان نا وزیر اعلیٰ دا عزم انا درشانی ءِ کرے کہ الس ءِ گچینآسراتی تا فراوانی و جان جوڑی نانظام اٹی گچینی کن گام گیج آتے برجاتخنگک ۔ او پارے کہ حکومت نا کوشست ءِ کہ بلوچستان نا مرمر انگا علاقہ غاتیٹی رہینگوک آ شاری تے ہم پوسکن آسراتی دُوبریک و اوفتے درمان نا بابت راہشونی نا دوئی کننگ کن بے گرج مشکلات آتون مون تروئی تمپ۔