پائیدارشونداری کن پیداوار، کاروبار، زرکاری اور روزگار نا مون آ دننگ المی ءِ ، ہارون اختر خان

اسلام آباد۔ 22 اکتوبر (اے پی پی)وزیراعظم نا سلاہکار صنعت و پیداوار ہارون اختر خان پارینے کہ وزیراعظم محمد شہباز شریف نا کماشی ٹی حکومت نا زرگزرانی کسر پیدوارءِ، پائیدارشونداری کن پیداوار، کاروبار، زرکاری اور روزگار نا مون آ دننگ المی ءِ ، وزیراعظم مالیاتیآسانیتسکان رسینگ و چنکا ونیامی درجہ نا کاروبار تا شونداری ءِ حکومتیزرگزرانی ایجنڈا نا مرکزی بشخ جوڑ کرینے۔ دا خیال آتا درشانی ءِ او پنچ شنبے نادے آ داڑے کشت وکشار، ہاؤسنگ و چنکا و نیامی کاروبار آتے کن مالی آسانیتسکان رسینگ نا سرحال آ سلابتی دیوان اسے آن تران اٹی کرے ۔ ہارون اختر خان پارینے کہ وزیراعظم نا پارت آتا رداٹ مالی وسیلہہموبندغ و کاروبار آتسکان سرکننگ کن گام گیج کننگ انگ ءِ ہرافتے اوفتا غٹ آن زیات گرج ءِ ، مالی وسیلہغاتسکان رسینگاسہ بندغ اسے نا زند ہی آخا بلکن مچ آ کمیونٹی نا قسمت ءِ بدل کننگ کیک۔ ہارون اختر خان پارینے کہ پاکستان اٹی 70 لکھ آن زیات چنکا و نیامی کاروباری ادارہ غاک زرگزرانی سرجزآتیٹی اہم کڑد ادا کننگ ءُ ۔ او پارینے کہ پاکستان نا جی ڈی پی ٹیچنکا و نیامی کاروبار تا بشخ 40 درسد آن زیات ءِ ، ملکی برآمدات آتیٹی ایس ایم ایز نا بشخ کم و ود 30 درسدءِ۔ ہارون اختر خان پارے کہ غیر زرعی روزگار نا 80 درسد اسکان وارخواہی چنکا و نیامی کاروبار آتون وابستہ ءِ چنکا و نیامی کاروبار پاکستان نا کاروباری سرجز،ہندی پیداوار اور روزگار نا فراوانی ٹی تمبہ نا حیثیت تخک ۔ او پارے کہ کاروبار بیرہ عزم و لائخی تون شون ہلپک ، اوفتے مون آ ہِننگ کن مالی وسیلہہم درکار مریک ۔ ہارون اختر خان پارے کہ بھازانگا کاروباری بندغ آتون عمل نا قابل ڈٹ و مارکیٹ اٹی وارخواہی ساڑی ءِ ، ولے اڑزان وام تسکان محدود رسینگ اوفتا شونداری ٹی اڑاند ءِ، ایس ایم ایز ءِ خام مال نا ہلنگ ، مشینری نا گچینی وکاروباریآرڈر آتے پورو کننگ کن جوان ورکنگ کیپٹلفراوان کننگ المی ءِ۔