الیکشن کمیشن اٹی پنجاب و کنٹونمنٹ بورڈ راولپنڈی ٹی ہندی حکومت آتا گچین کاری نا بابت کیس آتا سماعت 28 اکتوبر آ مریک

اسلام آباد۔ 22 اکتوبر (اے پی پی ) الیکشن کمیشن اٹی پنجاب و کنٹونمنٹ بورڈ راولپنڈی ٹی ہندی حکومت آتا گچین کاری تا بابت اہم کیس آتا سماعت 28 اکتوبر آمریک۔ پنچ شنبے نادے آالیکشن کمیشن نا کنڈآن جاری نظرثانی مروک کازلسٹ نا رداٹ الیکشن کمیشن اٹی پنجاب اٹی ہندی حکومت آتا گچین کاری نا اہم کیس انا سماعت 28 اکتوبر سے شنبے نادے آمریک   ۔ الیکشن کمیشن چیف سیکرٹری پنجاب و سیکرٹری لوکل گورنمنٹ ءِ جندی حیثیت اٹ پیش مننگ نا پارت کرینے۔ ہندا دے کنٹونمنٹ بورڈ اٹی ہندی حکومت آتا گچین کاری نا بابت ہم کیس انا سماعت مروئی ءِ ہراٹی سیکرٹری دفاع و ڈی جی ملٹری لینڈ اینڈ کنٹونمنٹ ڈیپارٹمنٹ راولپنڈی ءِ پاننگانے کہ او تینٹ یا تینا مجاز نمائندہ نا کمک اٹ دیوان اٹی بشخ ہلسا تینا موقف ءِ ایتے۔ کیس انا سماعت کن 12 ءُ نیم بجہ نا وخت مقرر کننگانے۔