اسلام آباد۔ 17مارچ(اے پی پی) پاکستان کرکٹ بورڈ(پی سی بی) کورونا وائرس نا تالانی نا گڑتی نا رداٹ پاکستان سپر لیگ فائیو نا سیمی فائنلز و فائنل میچ آتے پد بٹینے۔ پی سی بی نا رداٹ کراچی کنگز، لاہور قلندر، پشاور زلمی وملتان سلطانز نا ٹیمک سیمی فائنل نا مرحلہ ٹی سرمسوسرو لیگ انا اولیکو سیمی فائنل میچ ملتان سلطانز و پشاور زلمی نا ٹیم تا نیام اٹ سے شنبے نادے آ پیشیم نا دوبجہ غا بناکروئی ئسک وخت اس کہ ارٹ میکو سیمی فائنل میچ کراچی کنگز و لاہور قلندر نا ٹیم تا نیام اٹ سے شنبے نا شام ہفت بجہ غا بناکروئی ئسک ۔ لیگ انا ہڑتوم آ سیمی فائنل آتا قذافی اسٹیڈیم لاہور اٹی شیڈول ئس ولے پاکستان کرکٹ بورڈ کورونا وائرس نا تالانی نا گڑتی نا رداٹ پی ایس ایل فائیو نا سلوک آ میچ آتے بے مدوخت اکن پد بٹینے۔ داکان مست کورونا وائرس نا رداٹ پی ایس ایل اٹی اوار چندی درملکی گوازی گر و کوچز آک تینا تینا وطن تیا پدی رادہ مسوسر۔ یات سلے کہ پی ایس ایل فائیو نا فائنل میچ 18مارچ آ لاہور اٹی ہی شیڈول ئس۔
