کراچی۔ 23 دسمبر (اے پی پی) چیئرمین پاکستان کرکٹ بورڈ (پی سی بی) احسان مانی ءَ گوشت کہ ملک ءِ تہ ٹیسٹ کرکٹ ءِ بحالی باز مزنیں لینڈ مارک ایونٹ انت،سری لنکا ءَ را پاکستان ءَ آرگ مئے ھاترا ہائی رسک ات بلے آہاں پاکستان ءِ سرا اعتماد ءِ درشان کتگ، راولپنڈی ءُُ کراچی ٹیسٹ میچ پاکستان کرکٹ ءِ ٹرننگ پوائنٹ انت، ٹیسٹ کرکٹ ءِ بحالی ءِ کریڈٹ منصوبہ ساچی کنوکانی ھوار میڈیا ءَ گوں سیادی داروکیں کرکٹ شوقینءَ را ھم روگ انت، امیت انت کہ بنگلہ دیش ءِ ٹیمب ٹیسٹ کرکٹ لیئب کنگ ءَ پہ پاکستان ءَ کائیت۔ سرفراز احمد باصلاحیت کرکٹر انت ءُُ من ءَ امیت انت کہ آں وتارا ڈومیسٹک کرکٹ ءِ تہ سوبمند کنت ءُُ کارکردگی پیدارگ ءِ پدا ٹیمب ءِ تہ واپس کائیت۔سری لنکا ءَ گوں دوٹیسٹ میچانی سیریز ءِ دومی میچ ءِ تہ سوبمندی ءِ پدا نیشنل کرکٹ اسٹیڈیم کراچی ءِ تہ دوشمبے ءَ پریس کانفرانس ءَ گوں تران کنگ ات۔آہاں گوشت کہ ملک ءِ تہ کرکٹ ءِ بحالی درستاں چہ مزنیں کار ات،ملک ءِ تہ پاکستان سپر لیگ (پی ایس ایل) ءِ میچز لیئب کنگ بوتگ ات ءُُ ادا لہتیں ملکانی بی ٹیمبز ھم اتکگ ات بلے ٹیسٹ کرکٹ ءِ بحالی مزنیں سنگ میل ات آں مروچی مہ حاصل کتگ۔آہاں گوشت کہ کرکٹ ءِ شوقین ملک ءِ تہ ٹیسٹ کرکٹ ءِ بحالی مزنیں لینڈ مارک ایونٹ انت۔آہاں گوشت کہ نون دراھیں ملک سرپد انت کہ پاکستان ءِ تہ کرکٹ واتر بوتگ ءُُ پاکستان بلکل محفوظ ءِ ملک انت۔آہاں گوشت کہ لیئب کتگیں کرکٹ ءِ درگت ءَ ہچ وڈیں ناوشیں واکیہ یا حادثہ مہ بوتگ۔ احسان مانی ءَ گوشت کہ ٹیسٹ کرکٹ ءِ ھاترا کتگیں گامگیج ءَ چہ سری لنکن لیبی باز وش بوتگ انت ءُُ آں اے گوشگ ات کہ پاکستان ءِ تہ سیل ءُُ سوادی ءِ ھم آجوئی بہ بیت۔آہاں گوشت کہ راولپنڈی ءُُ کراچی ٹیسٹ میچ پاکستان کرکٹ ءِ ٹرننگ پوائنٹ انت۔احسان مانی ءَ گوشت کہ ٹیسٹ کرکٹ ءِ بحالی ءِ کریڈ ٹ منصوبہ ساچی کنوکانی ھوار میڈیا ءَ گوں سیادی داروکیں اھوالکارانی ءُُ کرکٹ ءِ شوقین ءَ را ھم روگ انت۔آہاں سرپد کت کہ لہتیں روچ پیسر ءَ آسٹریلین کرکٹ ءِ چیف ایگزیکیٹیو کیون رابرٹ ءُُ ای سی بی ءِ چیف ایگزیکیٹیو ٹام ہیریسن ھم ادا اتکگ ات ءُُ اے دوئیں مہماناں واتر بوان ءَ گوشتگ ات کہ لیئبیانی ہمکتر سیکیورٹی برطانیہ ءِ تہ بوھگ انت ہمکتر پاکستان ءِ تہ ھم انت۔ احسان مانی ءَ سرپد کتگ کہ پی ایس ایل ءِ ڈرافٹنگ ءَ چہ پیسرءَ پی سی بی ءَ درملکی کرکٹرز لوٹ اتگ ات ایشی ءِ پسو ءَ 425درملکی کرکٹرز ءَ پاکستان ءِ اتک پی سی بی ءِ میچ لیئب کنگ ءِ عندیہ داتگ ایشاں چہ لہتیں فرنچائیز ءَ 30ءَ 35کرکٹرز ءَ را گچین کتگ۔ بنگلادیش ءِ کرکٹ ٹیمب ءِ پاکستان ءِ تروتاب ءِ ھوالہ چہ احسان مانی ءَ گوشت کہ بنگلہ دیش ءِ کرکٹ بورڈ ءِ گوما گپ ءُُ تران جاڑی انت، ہوم سیریز
پاکستانءِ تہ لیئب کنگ بیت،کجام ملک ءَ چہ کرکٹ ءِ دراھیں میچ پاکستان ءِ تہ لیئب کنگ بنت۔
