ایڈیلیڈ۔ 01دسمبر (اے پی پی) پاکستان کرکٹ ٹیم نا پنی آ لیگ سپنر یاسر شاہ آسٹریلیا نا برخلاف ایڈیلیڈ ٹیسٹ اٹی دلیرانہ بیٹنگ نا درشانی ءِ کرسا کیریئر نا اولیکو سنچری سکور نا، 89آ6وکٹ آتا تمنگ آن پد یاسر شاہ بابراعظم تون پبی ساتھ تس و ہفت می وکٹ اٹی 105 رنز انا شریداری ءِ قائم کرسا ٹیم انا مشکلات آتے کم کرے، بابر اعظم نا آؤٹ مننگ آن پد ہم یاسر شاہ عمدہ بیٹنگ نا چرجوئی ءِ برجاتخا و محمد عباس تون 87 رنز انا شریداری قائم کرسا ٹیم انا سکور 281 اسکان سرکرے، یاسر شاہ کیریئر نا اولیکو سنچری ءِ جوڑ کرے و 113رنز کرسا آؤٹ مس، اونا اننگز اٹی 13چوکا اوار ئسر۔
