اسلام آباد ۔ 20 نومبر (اے پی پی) وزیر خارجہ شاہ محمود قریشی پارینے کہ ننا حکومت پاک چین اقتصادی راہداری نا ڈٹ آتے وخت آ پورو کننگ کن پرعزم ءِ ، بیلٹ اینڈ روڈ ڈٹ شش سال اٹی اقتصادی کمکاری و عالمگیریت نا اسٹ انگا عنصر نا وڑاٹ مون آ بس ، توانائی و انفراسٹرکچر نا بابت ڈٹ آتا پوروی ننا زرگزران کن فائدہ مند ثابت مسنے ۔ داخیال آتا درشانی ءِ او چارشنبے نادے آ انسٹیٹیوٹ آف سٹریٹجک سٹڈیز اٹی بیلٹ اینڈ روڈ انا سرحال آ اڈ ہلوک آ جہانی کانفرنس آن تران کرسا کرے ۔ اوپارے کہ 2013ء ٹی بناکروک آ بیلٹ اینڈ روڈ ڈٹ (بی آر آئی ) شش سال اٹی اقتصادی کمکاری و عالمگیریت نا اسٹ انگا عنصر نا وڑاٹ مون آبسنے ۔ او انسٹیٹیوٹ آف سٹریٹجک سٹڈیز ، چینی سفار تخانہ و پاور چائنہ ءِ خراج تحسین پیش کرے ہرافک دا اہم سرحال آ پاکستان و چین نا چاہندار و تھنک ٹینکس ءِ داکانفرنس اٹی بٹنگار ۔ داکان مست ڈائریکٹر جنرل انسٹیٹیوٹ آف سٹریٹجک سٹڈیز بیلٹ اینڈ روڈ ڈٹ انا خدوخال ءِ گچین وڑاٹ پیش کرے ۔ وزیر خارجہ پارے کہ بدلینگوک آ جہانی اقتصادی حالیت آتے ٹی دا ڈٹ آتا اہمیت بھاز زیات مسنے، وزارت خارجہ تنیا مون تروک گھمبیر چیلنج آتون مون تننگ کپک ، چاہندار و تھنک ٹینکس نا کنڈآن سلابت نا گرج درپیش مریک ۔ اوفارن سروس اکیڈمی کن پوسکن آ بلڈنگ نا پیشکش آ چینی سفیر نا منت واری ءِ ہرفے و پارے کہ نن فارن سروس اکیڈمی ءِ پوسکن آ جاگہ غا گدریفنگ نا خواہندار اُن و انشاء اللہ کینہ ۔ وزیر خارجہ پارے کہ 2013ء ٹی بناکروک آ بیلٹ اینڈ روڈ ڈٹ شش سال اٹی اقتصادی کمکاری و عالمگیریت نا اسٹ انگا عنصر نا وڑاٹ مون آ بسنے، گرج دا ہیت انا ءِ کہ بی ڈٹ انا اہمیت و جوڑ جاڑ و شونداری نا ڈٹ آتے ٹی اقتصادی کمکاری نا فائدہ غاتے تالان کننگے ۔ اوپارے کہ بیلٹ اینڈ روڈ ڈٹ آن زیات عالمگیر شہرت ہچ ءُ ڈٹ اسے داسکان ملتنے ہرا ایشیا، یورپ و افریقہ نا ڈیہہ تیٹی 4ارب انسان تے اسیجا شونداری نا بھرم تیان بہرہ ور کے ۔ وزیر خارجہ پارے کہ ساڑی آ سٹڈیز آن معلوم مس کہ بیلٹ اینڈ روڈ ڈٹ انا پوروی آن بیرہ ٹرانسپورٹ ڈٹ آتے ٹی بے پناہ فائدہ دوئی مریک ، ورلڈ بینک انا حساب وکتاب نا رداٹ بی آر آئی نا پوروی آن سفیر وخت اٹی 12درسد کمتی، واپاری کچ اٹی 2;46;7 آن 9;46;7 درسد ودکی، انکم نا کچ 3;46;4 درسد ودفنگ و لکھ آ بندغ آتے نیزگاری نا لکیر آن کشنگ اٹ کمک رسینگک ۔ اوپارے کہ ننا ڈیہہ ءِ داسکان چار بھلو چیلنج مون تروک ءِ ہرافتے ٹی چین امریکہ اقتصادی مسابقت خاص کر واپار آن تعلقدار معاملہ ہرا جہانی معاشی سوگوی ءِ منفی وڑاٹ متاثر کننگ کیرہ ۔ ارٹ میکو نمبر آ ایران امریکہ بے چیٹی ءِ، ہرا ڈیہہ ٹی معاشی و امن و ایمنی نا بابت نزوری نا سوب مننگ کیک، مسٹ میکو نمبر آ اوغانستان نا حالیت آک ءُ اگہ اگہ دانا سدباب مفک تو دا ننا ڈیہہ ٹی جوڑ جاڑ و شونداری و سوگوی نا کوشست آتے زہمی کننگ کیک ۔ چارمیکو نمبر آ ننے سویلی ایشیا ٹی بھارت نا ہندو توا سوچ انا مضمرات آتا مون تروک ءِ ۔ وزیر خارجہ پارے کہ ڈی جی سٹریٹجک سٹڈیز تینا بنائی ہیت آتے ٹی پارے کہ نن معاشی جغرافیہ ءِ بدلینگسا خننگ اُن، داحالیت آتے ٹی بیلٹ اینڈ روڈ کون آ اقتصادی شونداری نا ڈٹ جوڑ جاڑ و شونداری کن بے کچ سود مند ثابت مریرہ و پاکستان آن زیات دا ڈٹ انا مخ تف دیر مننگ کیک ہرا مہالو آن ہی بی آر آئی نا اہم ڈٹ پاک چین اقتصادی راہداری آ روان ءِ ۔ اونا پاننگ ئس کہ ننا حکومت پاک چین اقتصادی راہداری نا ڈٹ آتے وخت آ پورو کننگ کن پرعزم ءِ ۔ توانائی و انفراسٹرکچر نا بابت ننا گڑاس ڈٹ آتا پوروی جم وڑاٹ ننا زرگزران کن سودمند ثابت مسنے ۔ وزیر خارجہ پارے کہ نن چین پاک اقتصادی راہداری آ عملدرآمد ءِ المی کننگ کن سی پیک اتھارٹی اس جوڑ کرینن، نن اقتصادی راہداری نا ارٹ میکو مرحلہ ٹی پترینگانن ہراٹی ننا چکار صنعت سازی و راجی و اقتصادی شونداری آٹے ۔ اوپارے کہ نن 9 اقتصادی زون جوڑ کننگ والا اُن تانکہ پیشن نا زرکار آتے آسراتی ملے، پاکستان سمجھک کہ گھمبیر اقتصادی چیلنج آتون مون تننگ اسہ ریاست اسے نا وس اٹی اف ہنداخاطران نن بی آر آئی کون آ ڈٹ آتا پوروی نا غٹ آن بھلا مخ تف اُن دا ڈٹ انسانیت کن سودمند ثابت مریک ۔
