اسلام آباد ۔ 20نومبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ مسکوہی وزیراعظم نواز شریف نا پیشن نا ملک آ راہی مننگ ءِ وزیراعظم عمران خان چیلنج کپک، دا فیصلہ ءِ کانودی ٹیم کیک کہ ننا کانودی اولیت آک انت مریر ۔ اوپارے کہ انڈیمنٹی بانڈ انا شڑت ءِ ہائی کورٹ مستر د آخا معطل کرینے ۔ فردوس عاشق اعوان پارے کہ بنجائی وزیر کانود فروغ نسیم نا رداٹ فیصلہ جنوری ٹی بریک ۔ نجی ٹی وی چینل تون گپ و تران کرسا اوپارے کہ وزیراعظم عمران خان ملک اٹی آئین نا حکمرانی و بالادستی خواہک ۔ ڈاکٹر فردوس عاشق اعوان پارے کہ وزیراعظم عمران خان نا بیانیہ حق و سچ انا بیانیہ ءِ و سچ ہمیشہ خرین لگک ۔ مسکوہی وزیراعظم نواز شریف و شہباز شریف عدالت ءِ بیان حلفی ترسا باوری کرفینو کہ او پاکستان آ پدی بریرہ ۔ اوپارے کہ ننے اومیت ءِ کہ میاں نواز شریف عدالتی فیصلہ نا پاسداری ءِ کرسا پاکستان آ بریک ۔
