مزن وزیر شہباز شریف ءَ نیشنز کپ ءِ سیمی فائنل میچ ءَ فرانس ءِ سر ءَ سوبمندی ءِ پد ءَ پاکستانی ہاکی ٹیم ءَ را شگر ءُ   منت درشان

اسلام آباد۔20جون  (اے پی پی):مزن وزیر محمد شہباز شریف ءَ فیڈریشن انٹرنیشنل دی ہاکی (ایف آئی ایچ) نیشنز کپ ءِ سیمی فائنل میچ ءَ فرانس ءِ سر ءَ سوبمندی ءِ پد ءَ پاکستانی ہاکی ٹیم ءَ را خراج تحسین پیش کنان ءَ امیت سہرا کت کہ زوت ما ہاکی ءِ پڑ ءَ وتی گاریں جاہ ءَ پدا زرت کن ایں ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ پاکستان ءِ ھاکی ٹیم ءِ لیب کنوک ءُ ٹیم مینجمنٹ ءِ توسیپ کتگ۔ آئی ءَ پاکستان ءِ ھاکی ٹیم ءِ ایف آئی ایچ نیشنز کپ ءِ فائنل ءَ ھوار بوھگ ءِ سر ءَ سرجمیں راج ءَ را مبارکی دات۔ آئی ءَ گوشت کہ سرجمیں ٹورنامنٹ ءَ راجی ہاکی ٹیم ءَ جوانیں لیب ءِ درشان کت، راجی ٹیم ءَ سرجمیں راج ءِ سر شان ءَ گوں چست کت انت ءُ   سرجمیں راج ءِ دل وتی نیمگ ءَ کت انت۔ آئی ءَ دعا کت کہ گڈی میچ ءَ ھم پاکستانی ہاکی ٹیم سوبمندی ءِ بیرکاں چست بہ کنت۔ مزن وزیر ءَ امیت سہرا کت کہ ما زوت ہاکی ءِ پڑ ءَ وتی گار بوتگیں پوزیشن ءَ پدا پچ گراں۔