اسلام آباد ۔ 20نومبر(اے پی پی) امیر البحر ایڈمرل ظفر محمود عباسی ءَ را برطانوی بحریہ ءِ سروکءَ تمغہ داتگ ۔ پاک بحریہ ءِ جارچین ءِ گشگءِ ردءَ امیر البحر ءِ برطانیہ ءَ پُرمڈائیں وش اَتک ء ُنیول کمانڈر ہیڈکوارٹرز سربوہگءَ گارڈ آف آنر پیش کنگ بوتگ ۔ نیول چیف ءَ فرسٹ سی لارڈ آف رائل نیوی ء ُ اسسٹنٹ چیف آف دی نیول اسٹاف ءَ گوں جتاہ جتاہءَ گند ء ُنند کتگ ۔ گندء ُنندءَ دونیمگی کاراں ہوار دونیمگی کمک ءَ را گیش کنگءِ سر گپء ُتران بوتگ ۔ امیرا لبحر ءَ را فرسٹ سی لارڈ ءِ برطانوی گرابءِ سرءَ حاسیں دعوت ء ُ برطانیہءِ رائل نیول کالج میڈل دیءگ بوتگ ۔ امیر البحر ءَ اسٹریٹجک راوَنڈ کانفرنس ءَ ہواربوتگ ء ُنیشنل میری ٹائم انفارمیشن سینٹرءِ ترء ُتاب ہم کتگ کہ آئیءَ را آپریشنل کارانی سرءَ شونشت دیءگ بوتگ ۔ نیول چیف ءَ برٹش ٹینک(انٹرنیشنل انسٹیٹیوٹ برائے اسٹریٹجک اسٹڈیز)ءِ ترء ُ تاب کتگ کہ آئیءَ مردماں گوں گپء ُتران کتگ ۔ نیول چیف ءِ اے ترء ُتاب پہ دوئیں ملک حاس بحری فوج آنی نیامءَ سیادیءَ را گیش کنت ۔
