اسلام آباد۔20جون (اے پی پی):مزن وزیر محمد شہباز شریف ءَ پی این ایس سی ءِ بیڑے ءَ را گیش کنگ ءِ ھاترا جہاز لیز ءِ سر ءَ زورگ ءِ پنت ءُ شون داتگ ءُ گوشت کہ پی این ایس سی ءِ کاروباری منصوبگ دو ہفتگ ءِ تہ ءَ پیش کنگ بہ بیت، ایشی ءِ تہ ءَ راجی خزانہ ءَ چہ سالانہ 4ارب ڈالر ءِ بوجھ ءَ را دور کنگ ءِ کارروائی منصوبگ ھوار اِنت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ پاکستان نیشنل شپنگ کارپوریشن ءِ کار آنی سر ءَ چار ءُ تپاسی دیوان برجم دارگ بوت۔ مزن وزیر ءَ پی این ایس سی ءِ بیڑے ءَ را گیش کنگ ءِ واستہ جہاز لیز ءِ سر ءَ زورگ ءِ پنت ءُ شون کنان ءَ گوشت کہ پی این ایس سی ءِ بیڑے ءَ جہاز آنی کمی ءِ سبب ءَ راجی خزانہ ءَ چہ سالانہ 4ارب ڈالر ءِ ارزشتی ایں درملکی زرّ دریا ءِ وسیلگ ءَ تجارت ءِ سر ءَ ھرچ کنگ بوھگ ءَ اِنت۔ مزن وزیر ءَ پنت ءُ شون کت کہ پی این ایس سی ءِ کاروباری منصوبہ دو ہفتگ ءِ تہا پیش کنگ بہ بیت، ایشی ءِ تہا راجی خزانہ ءَ چہ سالانہ 4ارب ڈالر ءِ بوجھ ءَ را دور کنگ ءِ ھاتر ءَ کارروائی ءِ منصوبہ ھوار انت۔ ارب ڈالر ءِ بوجھ ءَ دور کنگ ءِ منصوبہ ھوار کنگ بوتگ۔ مزن وزیر ءَ را پی این ایس سی ءِ کارکردگی ءِ بابت ءَ سرپدی دیگ بوت ءُ آئی ءَ را گوشگ بوت کہ تنظیم ءِ تہ ءَ جتا جتائیں ٹائپ ءِ دہ جہاز است انت، ایشانی تہ ءَ 724ہزار 643ٹن کارگو ءِ برگ ءِ گنجائش است انت۔ دیوان ءَ وفاقی وزیر اقتصادی امور احد خان چیما، وفاقی وزیر سمندری امور جنید انور چوہدری ءُ پی این ایس سی ءِ مزنیں کارندہ آں ھم بھر زوری کتگ۔
