کیپ ٹاؤن۔ 02جنوری (اے پی پی) جنوبی افریقہ و پاکستان نا کرکٹ ٹیم تا نیام اٹ مسہ ٹیسٹ میچ آتیا تالان سیریز نا ارٹ میکو میچ پگہ پنچ شنبے نادے آ 7 جنوری اسکان کیپ ٹاؤن اٹ مریک۔ میزبان ٹیم ءِ مسہ میچ آتا سیریز اٹی پاکستانی ٹیم نا برخلاف 0-1 نا برتری دوئی ءِ۔ جنوبی افریکن ٹیم اولیکو ٹیسٹ میچ اٹی پاکستان ءِ 6وکٹ آتے اٹ شکست تسوسس۔ گرین شرٹس تینا دورہ ٹی میزبان ٹیم نا برخلاف مسہ ٹیسٹ میچ آتیان بیدس پنچ ون ڈے و مسہ ٹی ٹونٹی انٹرنیشنل میچ آتا سیریز اس ہم گوازی کیک۔ یات لسے کہ پاکستان و جنوبی افریقہ نا نیام اٹ مسہ میچ آتا سیریز نا مسٹ میکو و آخیریکو ٹیسٹ میچ 11 آن 15جنوری اسکان جوہانسبرگ اٹی گوازی کننگک۔ داکان پد ہڑتوم آ ٹیم تا نیام اٹ ون ڈے انٹرنیشنل سیریز نا اولیکو میچ 19 جنوری، ارٹ میکو میچ 22 جنوری ، مسٹ میکو میچ 25جنوری، چارمیکو میچ 27 جنوری وخت اس کہ پنچ میکو و آخیریکو میچ 30 جنوری آ گوازی کننگک۔ پاکستان و جنوبی افریقہ نا نیام اٹ اولیکو ٹی ٹونٹی میچ یکم فروری ، ارٹ میکو میچ 3 فروری وخت اس کہ مسٹ میکو و آخیریکو میچ 6فروری آ گوازی کننگک۔
