اسلام آباد ۔08 دسمبر(اے پی پی)محکمہ موسمیاتءَ گوشت کہ ملک ءِ لہتیں دمگاں (مروچی) یک شمبے ءَ چہ سئے شمبے ءَ تاں ھور ءُُ کوھانی سرا برپ گواری ءِ امکان انت۔ محکمہ موسمیات ءِ گوشگ ءِ ردا یک شمبے ءِ بیگاھ یا شپ چہ داں سئے شمبے ءَ تاں کوئٹہ، ژوب، مالاکنڈ، ہزارہ، مردان، پشاور، کوہاٹ، راولپنڈی، گوجرانولہ، سرگودھا، فیصل آباد، لاہور، ڈی جی خان ڈویژن، اسلام آباد، گلگت بلتستان ءُُ کشمیر ءِ تہ جاھے جاھے وھدیکہ بنوں، ڈی آئی خان، ملتان، ساہیوال، بہاولپور،سکھر، کراچی ءُُ مکران ڈویژن ءِ تہ لہتیں دمگاں ترندیں گواتاں ءُُ گرند ءُُ گروک ءِ گوما ھور ءِ گمان انت۔اے ساعت ءَ مالاکنڈ ڈویژن ،سوات، چترال، کالام، مالم جبہ، اپردیر، ہزارہ ڈویژن ، مری ، گلیات، گلگت بلتستان ءُُ کشمیر ءِ تہ برپ گواری ءِ ھم امکان انت۔ محکمہ موسمیات ءِ گوشگ ءِ رداگوجرانوالہ، سرگودھا، فیصل آباد، لاہور، ساہیوال ڈویژنءِ تہ شپ ءُُ سہب ءِ ساعت ءَ سموگ ءِ امکان انت۔ھپتگ ءَ سکردو ءِ تہ منفی 8،گوپس منفی پانچ،استور، ہنزہ،کالام منفی چار، بگروٹ،کوئٹہ،گلگت ءُُ قلات کم چہ کم منفی دو ڈگری سینٹی گریڈ درجہ حرارت ءِ گوما سارتیں دمگ بوتگ ات۔
