پشاور۔ 14 اکتوبر (اے پی پی): گورنر خیبرپختونخوا ءِ مشیر برائے اھوالکاری ءُ لس رابطہ ثمر ہارون بلور ءَ دل یکیمی ءِ درشانی کت کہ سیکورٹی ادارگ ءُ سرکاری محکمہ آنی نیام ءَ جوانیں ہمگرنچی ءَ چہ 90 روچ ءِ تہ ءَ صوبگ ءَ امن ءُ ایمنی ءِ تہ ءَ ھاسیں گہتری ءِ سبب جوڑ بیت۔ آئی ءَ اے ھیالانی درشانی چار شمبے ءِ روچ ءَ اھوالکاراں گوں تران کنان …
نود روچ ءَ پد خیبر پختونخوا ءَ امن ءُ قانون گہتر بیت، سمر ہارون بلور
گیشتریں ھال
پشاور۔ 14 اکتوبر (اے پی پی): گورنر خیبرپختونخوا ءِ مشیر برائے اھوالکاری ءُ لس رابطہ ثمر ہارون بلور ءَ دل یکیمی ءِ درشانی کت کہ سیکورٹی ادارگ ءُ سرکاری محکمہ آنی نیام ءَ جوانیں ہمگرنچی ءَ چہ 90 روچ ءِ تہ ءَ صوبگ ءَ امن ءُ ایمنی ءِ تہ ءَ ھاسیں گہتری ءِ سبب جوڑ بیت۔ آئی ءَ اے ھیالانی درشانی چار شمبے ءِ روچ ءَ اھوالکاراں گوں تران کنان ءَ کت اَنت۔ ثمر ہارون بلور ءَ گوشت کہ گورنر ءِ رھبند ءُ ایمرجنسی بندوبست ءِ چیر دستی ءَ کتگیں گامگیج پولیس ءُ فیڈرل کانسٹیبلری ءِ کارکردگی ءُ حوصلہ ءَ را گہتر کنگ ءَ کمک رسیت۔ آئی ءَ گوشت کہ وفاقی ءُ صوبائی حکومت، سلاہ بندیں اُرد ءُ پولیس ءِ نیام ءَ جوانیں ھمگرنچی ءَ چہ سرجمیں صوبگ ءَ تجارت ءِ آسراتی، لس مہلوک ءِ نقل و حرکت ءِ آسراتی ءُ سڑک آنی بندش آناں ھلاس کنگ ءَ کمک رسیت۔ ثمر ءَ گوشت کہ حکومت راجی جیڈھ آناں مرحلہ وار رنگ ءَ گیش ءُ گیوار کنت ءُ سیاسی انتقام ءِ نیمگ ءَ رھادگ نہ بیت۔ البت آئی ءَ گوشت کہ سرکاری وسیلگ آنی ناجائز کارمرد کنگ ءِ ذمہ وار گندگ بوتگیں آھاں ھمگرنچیں شواہد آنی چار ءُ تپاسی ءَ پد کارروائی ءِ دیمپانی کنگ بیت۔ آئی ءَ گوشت کہ واکدار ھر کیس ءِ میرٹ ءِ رد ءَ چار ءُ تپاسی کن اَنت ءُ ھرکس ءَ را کانود ءِ رد ءَ گناہ گار لیکگ بیت آئی ءِ سر ءَ سکیں کارروائی کنگ بیت۔
