مزن وزیر شہباز شریف آپریشن راد الفتنہ 3  ءِ چیر دستی ءَ بلوچستان ءَ ہندو فتنہ ءِ حلاف ءَ سیکورٹی فورسز ءِ کامیابیں آپریشن ءَ را  توسیپ ءُ ستا

اسلام آباد۔14اکتوبر  (اے پی پی): مزن وزیر محمد شہباز شریف ءَ آپریشن رادل الفتنہ 3 ءِ چیر دستی ءَ بلوچستان ءَ فتنہ الہندوستان ءِ ھلاپ ءَ سیکورٹی فورسز ءِ سوبمندیں آپریشن ءَ را ساڑات ءُ گوشت کہ سیکورٹی فورسز ءِ سوبمندیں آپریشن مئے بے مٹیں ناشرکاری راجی جزم ءِ درشان اِنت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ ضلع واشک ءِ دمگ پلانٹک ءَ انٹیلی جنس ءِ سر ءَ بنیات ءِ سر ءَ سیکورٹی فورسز ءَ 5ناشرکار کشتگ اَنت کہ اے ستا کرزیں گپ اِنت۔ مزن وزیر ءَ گوشت کہ آپریشن ءِ تہ ءَ ناشرکار آنی گور ءَ چہ نوکیں سلاہ ءُ گولہ بارود ھم برآمد کنگ بوتگ ایشی ءَ چہ دیم ءَ اتکگیں چیلنج ءِ سنگینی ءِ درشان اِنت۔ مزن وزیر ءَ گوشت کہ سیکورٹی فورسز ءِ نیمگ ءَ کنگ بوھوکیں سوبمندیں آپریشن ناشرکار آنی ھلاپ ءَ مئے بے دروریں راجی جزم ءِ درشان انت۔ ناشرکاری ءِ ھلاپ ءَ یکجائی راجی جزم اصل ءَ راجی امن ءُ ایمنی ءِ ضامن اِنت۔ مزن وزیر ءَ گوشت کہ سیکورٹی فورسز ءُ کانود ءِ نفاذ ءِ ادارگ آنی افسر ءُ مرد راجی ایمنی ءِ واستہ بے دروریں قربانی دیگ ءَ اَنت۔ کلیں راج سیکورٹی فورسز ءِ قربانی ءُ جوانیں کارکردگی ءَ را یات کنت۔ آئی ءَ گوشت کہ سیکورٹی فورس آنی دلیری، پیشہ وارانہ ءُ حکمت عملی ءِ تہ ءَ ناشرکار آنی نیت آناں ناکام کنگ ءِ سرجمیں توان است انت۔ سیکورٹی فورسز ءِ آپریشن سرجمیں راجی کمک ءُ سرجمیں زور ءَ گوں برجاہ بنت داں ناشرکاری ءِ شَر ملک ءَ چہ سرجمی ءَ ھلاس کنگ بہ بیت۔ آئی ءَ گوشت کہ راج ءَ را ھما بہادریں سلاہ بندیں اُرد آنی سر ءَ پھر انت کہ آ مدام وطن ءِ رکھینگ ءِ واستہ ساڑی انت۔