عمان ءِ دری کارانی وزیر ءَ نائب مزن وزیر ءَ گوں گند ءُ نند کت، وت مہ وتی سیت ءِ شوبگ آنی تہ ءَ کمک ءِ دیمروئی ءِ ھوالگ ءَ گپ ءُ تران

اسلام آباد۔14اکتوبر  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ عمان ءِ درئی کارانی وزیر سید بدر بن حمد بن حمود البسعیدی ءَ گوں گند ءُ نند کتگ، ایشی ءِ ساھت ءَ دوئیں سروک آں پاکستان ءُ عمان ءِ نیام ءَ نزیکیں ءُ برات ءِ سیادی ءِ پدا پدر کتگ ءُ دیم ءَ برجمیں رابطہ ءِ ھاترا زور پر داتگ۔ باہمی سیتات، خاص کر تجارت، سرمایہ کاری ءُ مردم ءِ نیام ءَ رابطہ۔ چار شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ پاکستان ءُ عمان ءِ یکجائی وزارتی کمیشن ءِ ھشتمی دیوان ءَ چہ پیسر دوئیں دری کارانی وزیر آنی نیام ءَ گند ءُ نند دل دوستی ءِ تہ ءَ بوتگ۔ دوئیں دری کارانی وزیر آں دمگی جاور ھال آنی سر ءَ گپ ءُ تران کت ءُ دائمی امن ءُ ایمنی ءِ دیمروئی ءِ واستہ گپ ءُ تران ءُ سفارتکاری ءِ ارزشت ءِ سر ءَ زور پر دات۔ عمان ءِ دری کارانی وزیر ءَ دمگی امن ءُ ایمنی ءِ دیمروئی ءِ واستہ پاکستان ءِ کوشست آنی توسیپ کتگ وھدیکہ نائب مزن وزیر ءُ دری کارانی وزیر ءَ ھم عمان ءِ جوڑیشت ءِ کرد ءِ توسیپ کتگ ءُ دمگی امن ءُ ایمنی ءِ واستہ یکجائی ءِ واھشت آنی سر ءَ ھم توسیپ کتگ۔