وفاقی وزیر خزانہ ءَ ایس اینڈ پی گلوبل ریٹنگز ءِ نمائندگاں گوں گند ءُ نند کتگ، پاکستان ءِ اقتصادی دیمروئی ءُ وت مستری  ءِ کریڈٹ ریٹنگ ءِ آسراتی ءِ بابت ءَ گپ ءُ تران

اسلام آباد۔14اکتوبر  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ چار شمبے ءِ روچ ءَ ایس اینڈ پی گلوبل ریٹنگز ءِ نمائندگ آنی گوما گند ءُ نند کت ایشی ءِ تہ ءَ پاکستان ءِ اقتصادی دیمروئی ءُ وت واجہ کریڈٹ ریٹنگ ءِ آسراتی آنی سر ءَ تران کت۔ تھائی لینڈ ءِ بنکاک ءَ ورلڈ بینک گروپ ءُ آئی ایم ایف ءِ سالانہ دیوان آنی موہ ءَ برجم داشتگیں گند ءُ نند ءَ وزیر ءِ ھزانگ ءَ ستمبر ءَ بانڈ آنی سوبمندیں جاری کنگ، سرمایہ کار آنی مھکمیں بھر زوری ءُ آئی ایم ایف پروگرام ءِ چیر دستی ءَ پیشرفت ءِ سر ءَ زور پر دات۔ وزیر ءِ ھزانگ ءَ ٹیکس ءِ جم کنگ ءِ تہ ءَ گہتری، زرّ ءِ ذخائر ءِ تہ ءَ گیشی، کرنسی سویپ ءُ فارورڈ کنٹریکٹ آنی ھوالگ ءَ زمہ واری آنی تہ ءَ کمی ءِ بابت ءَ ھم سرپدی دات۔ آئی ءَ گوشت کہ حکومت ڈھانچہ ءِ گہتری کار ، مالیاتی ڈسپلن ءُ برآمدات ءِ بنیات ءَ برجمیں دیمروئی ءِ واستہ جزمیگ انت۔ آئی ءَ برجاھیں اقتصادی گہتری ءِ وسیلگ ءَ پاکستان ءَ را ڈبل ​​بی کریڈٹ ریٹنگ ءَ برز کنگ ءِ واھشت ءِ ھم سہرا کت۔ گند ءُ نند ءَ کشت ءُ کشاری آمدنی ، توانائی ءُ وردن ءِ سلامتی ءِ سرا ٹیکس ، ٹارگٹڈ ریلیف ءُ موسمی بدلی ءَ گوں گر ءُ چیل بوھگ ءِ توانائی ءِ سرا ھیال ریچی کنگ بوت۔ وزیر خزانہ ءَ گوشت کہ ایس اینڈ پی ءَ کریڈٹ ریٹنگ ءِ ھوالگ ءَ پالیسی آنی تسلسل، گہتری کار  آنی سر ءَ عمل کنگ، سود ءِ ادائیگی ءِ بار ءِ تہ ءَ کمی ءُ درائیں مالیاتی ذخائر ءِ مھکم کنگ ءَ را ھاسیں رنگ ءَ چار اِتگ۔