اگاں تحریک انصاف ءَ اے گپ ثابت کت کہ آ صوبہ ءِ جاوراں گہتر کنت گڑا من ذاتی رنگ ءَ مزن وزیر ءَ را ایمرجنسی ءِ ہلاس کنگ ءِ  گوشاں ،  بلاول بھٹو زرداری

اسلام آباد۔14اکتوبر  (اے پی پی): پیپلز پارٹی ءِ چیئرمین بلاول بھٹو زرداری ءَ گشتگ تحریک انصاف ءَ وت وتی صوبائی سرکار ءِ سرا وتکش ارش کتگ ۔ اے گامگیج گوں گرانیں دلے ءَ چست کنگ بوتگ پرچا کہ صوبائی سرکار ناشرکاری ءِ ھلاپ ءَ ھچ وڑیں گامگیج چست کنگ ءَ چک ءُ پد بوتگ۔ من انگت ءَ مزن وزیر ءَ چہ دزبندی کناں کہ آ گپ ءُ تران ءِ عمل ءَ را دوبر بندات بہ کنت۔ اگاں تحریک انصاف وتی رویہ ءَ چہ اے گپ ءَ ثابت کنت کہ آ صوبہ ءِ جاوراں گہتر کنت گڑا من ذاتی رنگ ءَ مزن وزیر ءَ را ایمرجنسی ءِ ہلاس کنگ ءِ لوٹ کناں۔ ما ناشرکارانی دیمپانی ءَ پد نہ کپیں ۔ اے ایوک ءَ مئے ملک نہ اِنت بلکیں اپوزیشن ءِ ملک ھم اِنت۔ چار شمبے ءِ روچ ءَ قومی اسمبلی ءَ صوبہ خیبر پختونخوا ءَ ایمرجنسی ءِ ایر کنگ ءِ قرارداد ءِ حق ءَ تران کنان ءَ آئین ءَ اے گامگیج ءِ موہ داتگ بلے من گرانیں دل ءِ گوما اے جیڈھ ءِ سر ءَ گپ کنگ ءَ آں ۔ آئین ءَ آئین ءِ آرٹیکل 232 ونت ءُ گوشت کہ آئین ءَ اے جاور آنی تہ ءَ صدر ءَ را اے گامگیج ءِ اجازت داتگ۔ سرکار ءَ اے گامگیج ءِ زورگ ءَ پیسر ہر وڑیں کوشست کتگ کہ اے گامگیج زورگ مہ بیت۔ اپوزیشن ءِ ذمہ واریں سروکی ءَ اے گپ زانت کہ خیبر پختونخوا ءَ تحریک انصاف ءِ سرکار ءَ وت سیاسی وت کشیں ارش کتگ ۔ اے نوں وفاقی حکومت ءُ صدر ءَ ملامت کنت بلے آ زاننت کہ ایشی ءِ واقعی ذمہ وار کئے اِنت۔ اگاں پاکستان ءِ صدر ءَ اے سمری ءِ سرا دستخط نہ کتگ گڈا آئی ءَ یک سوبے ہم پیش کنگی ات کہ ما پرچا اے گامگیج ءَ چست مہ کنیں۔ وہدے اے معاملہ مئے دیم ءَ اتک گڑا ما پیسلہ کت کہ ایمرجنسی ایر کنگ ءَ چہ پیسر تحریک انصاف ءَ سرجمیں موہ دیگ بہ بیت۔ ما اے گامگیج ءَ زورگ نہ لوٹ اِت۔ داں دیر شپ ءَ تحریک انصاف ءِ راہشوناں گوں گپ ءُ تران بوتگ ءُ گپ ءُ تران سوبمند بوہگ ءِ ہمے حال شنگ بوتگ ۔ آئی ئَ گوشت کہ اپوزیشن راجی ئُُ صوبائی تک ئَ ناشرکاری ئِ ھلاپ ئَ جنگ ئِ بابت ئَ گپ جنگ ئَ تیار اِنت۔ آئی ءَ گوشت کہ ھمک سیاسی گل ءِ واستہ سیاسی گنجائش کم انت، ایشی ءِ ذمہ وار ما درست انت، بلے آ ایشی ءَ ھم انکار کت نہ کن انت۔ ما مشکلیں آئینی پیسلہ چیا کت کہ اوگانستان ءِ گوما جنگی جاور انت ءُ کے پی کے ءِ سر وزیر ءَ لس دیوان ءَ پاد اتک ءُ الس ءَ سوگند چست کت کہ آ ناشرکاری ءِ ھلاپ ءَ جنگ نہ کنت۔ اے سیاسی وت کُشی ات۔ سیاسی مصالحت ءِ واستہ کمیٹی جوڑ کنگ بہ بیت۔ اگاں 100 درسد آسراتی مہ دنت ھم لہتیں گہتری یے المی ءَ کیت۔ آئی ءَ گوشت کہ صدر آصف علی زرداری ءَ 1973ءِ آئین بحال کتگ ءُ 18می ترمیم منظور کتگ۔ آئی ءَ گوشت کہ آئین ءِ اے گامگیج ایوک ءَ آئی ءِ جند ءِ رویہ ءِ پد کنگ بوتگ ۔ آئی ءَ سوج دات کہ وفاقی حکومت انگت ءَ اپوزیشن ءَ گوں گپ ءُ تران بہ کنت تانکہ میانجی ئیں راہ ءِ شوھازگ بہ بیت۔ ایمرجنسی دائم ءَ برجاہ بوت نہ کنت۔ اگاں ما راستی ءَ چہ خیبر ءَ بگر داں خضدار ءَ ناشرکاری ءِ ھلاپ ءَ جنگ لوٹیں گڑا سرجمیں ملک ءِ اُلس ءَ اے کار یکجا کنگی اِنت۔ اے ایوک ءَ پولیس ءُ فوج ءِ زمہ واری نہ انت۔ ما گوست ءَ ھم یکجائی ءَ ناشرکاری ءِ ھلاپ ءَ جنگ کتگ ءُ سوبمند بوتگیں ۔ آئی ئَ گوشت کہ اپوزیشن ئَ را زمہ واریں رپک ئَ چہ ناشرکاری ئِ ھلاپ ئَ جنگ کنگی بیت۔ آئی ءَ گوشت کہ بھارت ءَ وتی شکست شموشکار نہ بوتگ۔ مودی انگت ءَ گشگ ءَ اِنت کہ آپریشن سندور برجاہ اِنت۔ بھارت پاکستان ءَ ناشرکاری ءِ واکیہانی کمک کنگ ءَ انت ۔ اوگانستان ءَ بوتگیں جاور ھالانی تہ ءَ ھندوستان ءِ کرد ھست۔ پاکستان ءَ امریکہ ءُ ایران ءِ نیام ءَ امن ءِ ذمہ واری زرتگ کہ ایشی ءِ سر ءَ صیہونی طاقت ھم پاکستان ءَ ھونیگیں گوازی ءِ سازش ءَ ھوار اَنت۔ ما ناشرکارانی ھلاپ ءَ جنگ ءَ پد پد نہ کن ایں ۔ اے تہنا مئے ملک نہ انت بلکیں اپوزیشن ءِ ہم ملک انت ۔ مارا درستاں یکجاہ ءَ ایشی ءِ ھلاپ ءَ جنگ کنگی اِنت۔ آئی ءَ گوشت کہ من پی ٹی آئی ءَ را دعوت دیان آں کہ آ گپ ءُ تران ءِ عمل ءَ بندات بہ کنت ءُ کے پی کے ءِ جاور ھال آنی چہ اے گپ ءَ ثابت بہ کنت کہ من ذاتی رنگ ءَ مزن وزیر ءَ را دزبندی کن آں کہ نوں اودا ایمرجنسی ءِ ھچ ضلورت نیست۔