لاہور۔8 دسمبر(اے پی پی )سر وزیر پنجاپ سردار عثمان بزدار ءِ ایشیئن گیمز کلاسک پاور لفٹنگ ءِ تہ بے مثال کارکردگی ءِ درشان کنوکیں پاکستانی لیئبی مصطفی فاران بیگ ءَ را مرادباتی داتگ۔مصطفی فاران بیگ ءَ میڈلز کٹان ءَ پاکستان ءِ نام روژن کتگ۔ منگولیا ءِ تہ پاکستانی بیرک برزکنوکیں لیئبی مصطفی فاران بیگ ءَ را شاباش دیگ ات۔آہاں گوشت کہ مصطفی فاران بیگ ءَ کسبی زانتکاریءُُ وتی محنت چہ ایشیئن ریکارڈ پروشتگ۔مصطفی فاران بیگ ءِ ایشیئن گیمز کلاسک پاور لفٹنگءِ تہ پُرشانیں کارکردگی ستا ءِ لائق انت۔ مصطفی فاران بیگ وڈیں لیئبی پاکستان ءِ پکر انت۔راج ءَ را اے رنگیں لیئبیانی سرا ناز انت۔
