حکومت زرکار آتے ہروڑ آسراتی تننگ کن پرعزم ءِ
اسلام آباد۔ 07 دسمبر (اے پی پی) وزیراعظم عمران خان بجلی نا بشخ اٹی شنگھائی الیکٹرک پاور کمپنی نا پاکستان اٹی زرکاری نا فیصلہ نا ستاءِ کرسا داہیت انا اعادہ ءِ کرینے کہ حکومت زرکارآتے ہروڑنا آسراتی تننگ کن پرعزم ءِ۔ اوداہیت ءِ جمعہ نادے شنگھائی الیکٹرک پاور نا چیئرمین وانگ یندان تون ہیت وگپ کرسا پارے ہراڈل اتون اوار وزیراعظم آفس اٹی اوڑتون اوڑدہی کرے۔ وانگ یندان وزیراعظم ءِ شنگھائی الیکٹرک پاور نا سرجزآتیان معلومدار کرے و پاکستان اٹی بجلی نا بشخ اٹی زرکاری ٹی است خواہی ظاہر کرے۔ وزیراعظم کمپنی نا داگام انا ستاءِ کرسا پارے کہ حکومت ملک اٹی ساڑی زرکاری وارخواہی تیان پبی فائدہ ہرفنگ کن زرکار آتے زیات آن زیات آسراتی فراوان و سازگار چاگڑد اس تننگ کن پرعزم ءِ ۔
