لاہور۔ 07 دسمبر (اے پی پی) گورنر پنجاب چوہدری محمد سرور پارینے کہ اختیار آتا شیفکو کہول اسکان گدریفنگ قوم یا ملک انا شونداری ٹی کلیدی کڑد ادا کیک، قوم یا ملک اس ہمووخت اسکان شون ہلنگ کپک ہراوخت اسکان اختیار آتے شیفکوکہول اسکان گدریفنگپ، کے پی کے نا وڑاٹ پنجاب اٹی ہم بھاز زوت اختیار آتے بلدیاتی نمائندہ غاتیا گدریفنگک۔ جمہوری عمل نا تسلسل اٹی ووٹرزآتا کڑد بے کچ اہمیت تخک۔ جمہوری اقدار و جمہوری اصول آتا پاسداری پاکستان تحریک انصاف نا منشوراٹی اوار ءِ۔ الیکشن کمیشن ساڑی آ گچین کاری تیٹی ٹیکنالوجی ءِ کاریم اٹ اتسا پولنگ اسٹیشن آتے گوگل سسٹم تون گنڈا ، ہراستاکڑزک۔ آخبت اٹی گچین کاری تے ٹی پوسکن آ ٹیکنالوجی ءِ کاریم اٹ اتسا گچین کاری عمل اٹی پین جدت اتنگک۔ داخیال آتا درشانی ءِ او تدوک آدے داڑے گورنر ہاؤس اٹی الیکشن کمیشن نا کنڈان ’’قومی ووٹرز ڈے‘‘ انا بابت اڈ ہلوک آ دود آن تران کرسا کرے۔ دود اٹی باسک الیکشن کمیشن جسٹس (ر) الطاف ابراہیم قریشی، صوبائی الیکشن کمشنر پنجاب سعید گل، جسٹس (ر) ناصرہ جاوید اقبال تون اوار این جی اوز و چندی مکتبہ فکر آن تعلق تخوک آ بندغ آک بشخ ہلکر۔

متعلقہ مضامینمصنف کی طرف سے مزید