کراچی۔ 07 دسمبر (اے پی پی) گورنر سندھ عمران اسماعیل پارینے کہ ووٹر آتا شعور ہی ملک انا شونداری نا ضمانت ءِ، وونٹ بٹنگ اسہ فرض اسے، وونٹ بٹنگ کن مڈل کلاس نا شعور ستاء کڑزک۔ جمہوریت ءِ شون تننگ کن وونٹ بٹنگ بھاز المی ءِ۔ داخیال آتا درشانی ءِ او جمعہ نادے گورنر ہاؤس کراچی ٹی وونٹ انا قومی دے 7 دسمبر نا بابت ’’میراووٹ۔میری پہچان‘‘ نا بابت اڈہلوک آ دود آن تران کرسا کرے۔ داوخت آ صوبائی الیکشن کمشنر یوسف خٹک، الیکشن کمیشن باسک سندھ عبدالغفار و ایلوک ہم ساڑی ئسر۔
