اسلام آباد۔ 07 دسمبر (اے پی پی) قومی پارلیمانی تاریخ نا 15می قومی اسمبلی نا اولیکو 100 دے تیٹی داوخت اسکان 5دیوان اڈ ہلکونے ہرافتے ٹی اہم قومی معاملہ غاتیا 10 قرارداد آتا منظوری تون اوار فنانس بل 2018 ء ٹی ترمیم کننگا۔ سرجم احوال آتارداٹ 25جولائی نا لس گچین کاری تیان پد جوڑ مروک آ 15می قومی اسمبلی نا داوخت اسکان 5دیوان اڈ ہلکونے ہرافتے ٹی اِرادیوان اپوزیشن نا ریکوزیشن آ اڈ ہلکر۔ ساڑی قومی اسمبلی ٹی حکومت نا کنڈان قومی معیشت ءِ مون تروک مشکل آتا ازالہ کن فنانس بل 2018 ء ٹی ترمیم کننگانے ہراٹی پی ایس ڈی پی ٹی کمتی تون اوار ریونیو نا حالیت آتے گچین جوڑ کننگ کن خراج آتا کچ اٹی ردوبدل کننگا۔ داکان بیدس حکومت نا کنڈان تمباکونوشی نا امتناع نا بل 2018 ء ءِ پیش کننگا۔
