پاکستان ءُ عمان ءِ نیام ءَ جتا جتائیں شوبگ آنی تہ ءَ دو نیمگی کمک ءَ را گیش مھکم کنگ ءِ واستہ جزمیگ اَنت، نائب مزن وزیر سینیٹر محمد اسحاق ڈار ءَ عمان ءِ دری کارانی وزیر ءِ گوما یکجائی پریس کانفرنس

اسلام آباد۔14اکتوبر  (اے پی پی):نائب مزن وزیر ءُ دری کارانی وزیر سینیٹر محمد اسحاق ڈار ءَ پاکستان ءُ عمان ءِ نیام ءَ جتا جتائیں پڑ آنی تہ ءَ دو نیمگی کمک ءَ را گیش مھکم کنگ ءِ وتی جزم ءِ پدر کنگ ءَ گوشت کہ ما دوئیں ملک آنی کاروباری کمیونٹی آنی نیام ءَ نزیکیں سیادی ءَ را وش آتک کن ایں ءُ ھاسیں اقتصادی زون آنی تہ ءَ گیش سرمایہ کاری ءِ تہ ءَ گیشیں سرمایہ کاری ءِ تہ ءَ دلبڈی دیئگ ءَ ایں ۔ ما مکہ ءِ یکجائی دفاعی معاہدے ءِ رد ءَ سعودی عرب ءِ حاکمیت، سرزمین ءِ یکوئی ءُ ایمنی ءِ رکھینگ ءِ واستہ پاکستان ءِ بے دروریں جزم ءِ یک رندے پدا پدر کن ایں ۔ دمگ ءِ تہ ءَ تناؤ ءِ بدل ءَ ڈی اسکالیشن، گپ ءُ تران ءُ سفارتکاری المی اِنت ءُ تنگہ ہرمز ءُ باب المنداب ءِ وسیلگ ءَ جہاز رانی ءِ ایمنی ءُ آجوئی ءِ ضمانت دیگ ءِ ضلورت اِنت۔ اے ھیالانی درشانی آئی ءَ چار شمبے ءِ روچ ءَ اومان ءِ دری کارانی وزیر سید بدر بن حمد بن حمود البوسعیدی  ءِ گوما یکجائی پریس کانفرنس ءِ ساھت ءَ کت اَنت۔ آئی ءَ گوشت کہ عمان ءِ سلطنت ءِ دری کارانی وزیر سید بدر بن حمد بن حمود البسئیدی ءُ آئی ءِ ھمراھیں ڈل ءَ پاکستان ءِ تر ءُ تاب ءَ سک باز وشی بوتگ۔ ایشانی تر ءُ تاب پاکستان ءُ عمان ءِ یکجائی وزارتی کمیشن ءِ ہشتمی دیوان ءِ سلسلہ ءَ انت کہ انوگیں وھد ءَ سک باز سوبمندیں رنگ ءَ آسر بوتگ۔ آئی ءَ گوشت کہ عمان ءِ وزیر ءِ درئی کار ءِ گوما اے گند ءُ نند ءِ سروکی کنگ یک شرف ءِ گپ اِنت۔ مئے گپ ءُ تران یک دوستی ءُ جوڑیشت ءِ چاگرد ءَ بوت کہ ایشی ءِ تہ ءَ پاکستان ءُ عمان ءِ نیام ءَ گہتریں دوستی، وت مہ وتی بھروسہ ءُ براتی سیادی ءِ درشان کنگ بیت۔ نائب مزن وزیر ءَ گوشت کہ ما جتا جتائیں شوبگ آنی تہ ءَ دو نیمگی کمک ءَ را گیش مھکم کنگ ءِ واستہ وتی یکجائی جزم ءِ سر ءَ پدا زور پر دات۔ آئی ءَ گوشت کہ مرچی ما پاکستان ءُ عمان ءِ یکجائی وزیری کمیشن ءِ ھشتمی دیوان ءِ پروٹوکول ءِ سر ءَ دست دست کش کن ایں ۔ اے پروٹوکول ءِ تہ ءَ مئے یکجاھیں جزم ءِ درشان اِنت کہ ما وت مہ وتی ءِ پڑ آنی تہ ءَ دو نیمگی کمک ءَ را گیش مھکم ءُ گیش کنگ بہ بیت۔ ما سفارتی، ھاسیں سروس ءُ سرکاری پاسپورٹ ءِ واھند آنی واستہ باہمی ویزا ءِ رعایت ءِ سر ءَ ھم یک معاہدے ءِ سر ءَ دستخط کن ایں ۔ اے یک ھاسیں دیمروئی یے کہ سرکاری تک ءَ ڈل آنی تبادلہ ءَ را آسان جوڑ کنت ءُ دوئیں براتیں ملک آنی نیام ءَ سیادی ءَ را گیش مھکم کنت۔ سینیٹر محمد اسحاق ڈار ءَ گوشت کہ بازیں مفاہمت نامہ ءُ دو نیمگی منوگری آنی سر ءَ ھم دستخط کنگ بیت، ایشی ءِ تہ ءَ ھال ءُ اھوال ءِ تبادلہ، کمیونیکیشن ءُ انفارمیشن ٹیکنالوجی، راجدپتری دستاویزات، ریکارڈ ءُ آرکائیو مینجمنٹ، ءُ میڈیا ءِ پڑ ءَ کمک ھوار اِنت۔ آئی ءَ گوشت کہ اے دیوان ءِ یک ھاسیں آسر ایش انت کہ بازیں یکجائی کارگس آنی جوڑیشت ءُ فعال کنگ ءِ وسیلگ ءَ ادارگی کمک ءِ نظام ءَ را مھکم کنگ بہ بیت، ایشی ءِ تہ ءَ بیپار ءُ سرمایہ کاری، کشت ءُ کشاری، تیل ءُ گیس، لید ءُ انسانی وسیلگ آنی دیمروئی ءِ پڑ ءَ ھوار انت۔ اے میکانزم آنی وسیلگ ءَ یکجائی وزارتی کمیشن ءِ پیسلہ آنی باقاعدہ رابطہ ءُ جوانیں رنگ ءَ عمل درآمد ءَ را دل یکیمی کنگ بیت۔ آئی ءَ گوشت کہ ما دوئیں ملک آنی کاروباری برات آنی نیام ءَ گیشیں سیادی ءَ را وش اتک کن آں ءُ ھاسیں اقتصادی زون ءُ آزاد تجارتی زون آنی تہ ءَ گیش سرمایہ کاری ءِ دلبڈی ءَ کن ایں ۔ محمد اسحاق ڈار ءَ گوشت کہ ما اے گپ ءِ سر ءَ تپاک کتگ کہ پاکستان ءَ زوتاں چہ زوت بزنس ٹو بزنس تک ءَ سرمایہ کاری ءُ بیپاری ءِ دیمروئی ءِ واستہ فورم ءِ برجم دارگ بہ بیت ءُ امیت انت کہ نزیکیں وھد ءُ پاس ءَ اے فورم ءِ برجم دارگ بہ بیت۔ نائب مزن وزیر ءُ وزیر ءِ درئی کار ءَ گوشت کہ ما عمان ءَ پاکستانی کمیونٹی ءِ ارزشتی ایں ازمت آناں ھم من ایں کہ آ دوئیں براتیں ملک آنی نیام ءَ یک مھکمیں پُل ءِ کرد ءَ پیلو کنگ ءَ انت۔ آئی ءَ گوشت کہ یکجائی وزارتی کمیشن ءِ دیوان ءَ دوئیں نیمگ ءَ لیبر موبلٹی، پیشہ وارانہ تربیت ءُ انسانی وسائل ءِ دیمروئی ءِ شوبگ آنی تہ ءَ کمک ءَ را گیش مھکم کنگ ءُ پاکستانی ہنرمندیں پیشہ ور ءُ کارندہ آنی واستہ نوکیں موہ پیداک کنگ ءِ واستہ وتی جزم ءِ یک رند ءَ پدر کت۔ ما خلیج ءِ دمگ ءِ بدل بوھوکیں جاور ھال آنی سر ءَ ھم گپ ءُ تران کت ءُ تحمل، ڈی اسکالیشن، گپ ءُ تران ءُ سفارتکاری ءِ ارزشت ءِ سر ءَ زور پر دات۔ آئی ءَ گوشت کہ ما تنگہ ہرمز ءُ باب المندب ءِ وسیلگ ءَ جہاز رانی ءِ ایمنی ءُ آجوئی ءَ را دل یکیمی کنگ ءِ ضلورت ءِ سر ءَ زور پر دات، پرچا کہ اے راہ دمگی ءُ جھان ءِ وردن ءُ توان ءِ ایمنی ءِ واستہ سک باز ارزشت دار اَنت۔ آئی ءَ گوشت کہ عمان خطہ ءَ امن ءُ ایمنی ءِ دیمروئی ءِ واستہ سفارتی کوشست آنی تہ ءَ جوڑیشت ءِ کرد پیلو کنگ ءِ واستہ جزم انت۔ سینیٹر محمد اسحاق ڈار ءَ گوشت کہ ڈل ءَ گوں گپ ءُ تران ءِ وھد ءَ ما سعودی عرب ءِ سر ءَ حوثی اُرش آنی گوستگیں وئیل آنی سر ءَ ھم گپ ءُ تران کتگ۔ من اے اُرشانی سر ءَ پاکستان ءِ تچکیں مذمت ءِ درشانی کت کہ ایشی ءِ آسر ءَ بازیں مردم ٹپی بوتگ اَنت، یک پاکستانی یے ءَ ھوار بازیں مردم شھید بوتگ اَنت وھدے کہ پنچ پاکستانی ٹپی بوتگ اَنت۔ نائب مزن وزیر ءَ اے گپ پدر کت کہ شہری ءُ شہری تنصیبات ءَ را نشانگ جوڑ کنگ ہچ وڑیں جاور آنی تہ ءَ منگ نہ بیت۔ عمان ءِ درئی کارانی وزیر ءَ اے گپ ءِ ھم سرجمی ءَ حمایت کتگ کہ اے وڑیں اُرش میاں اوستمانی کانود ءِ ھلاپ ورزی اِنت ءُ دمگی امن ءُ ایمنی ءِ واستہ مزنیں ھترہ اِنت۔ آئی ءَ سعودی عرب ءِ سروکی ءُ الس ءِ گوما پاکستان ءِ سرجمیں یکوئی ءِ پدرائی کت ءُ مکہ ءِ وت مہ وتی دفاعی معاہدے ءِ رد ءَ سعودی عرب ءِ حاکمیت، سرزمین ءِ یکوئی ءُ ایمنی ءِ رکھینگ ءِ ھاترا پاکستان ءِ بے دروریں جزم ءِ پدرائی کت۔ اسحاق ڈار ءَ گوشت کہ ما فلسطین ءِ گرانیں جاور ھال آنی سر ءَ ھم گپ ءُ تران کت، فلسطین ءِ اُلس ءُ آھانی ناگزیریں ھک آنی واستہ پاکستان ءِ اصولی ءُ بے مٹیں کمک ءِ پدا پدر کت، مارا  فلسطین ءِ اتھارٹی ءِ برجاھیں گیشی ءُ القدس الشریف ءِ جاور ھال ءِ بدل کنگ ءِ کوشست آنی سر ءَ جیڈھ ءِ درشان کنان ءَ ما غزہ ءِ اُلس ءَ را انسانی کمک ءِ بے رکاوٹیں رسائی ءِ زوتیں ضلورت ءِ سر ءَ زور پر دات ءُ اقوام متحدہ ءِ ھمگرنچیں قرارداد آنی رد ءَ عادلانہ ءُ برجمیں گیواری ءِ واستہ وتی حمایت ءِ پدر کت۔ آئی ءَ گوشت کہ آئی ءَ عمانی ڈل ءِ گوما جموں ءُ کشمیر ءِ جیڈھ ھم چست کتگ کہ اے یک دیریں ءُ گیش ءُ گیوار نہ بوتگیں میاں اوستمانی جیڈھ اِنت ءُ اقوام متحدہ ءِ سلامتی کونسل ءِ سیادی داروکیں قرارداد آنی رد ءَ اے جیڈھ ءِ منصفانہ ءُ پرامنیں گیواری ءِ واستہ پاکستان ءِ لوٹ ءِ پدا پدر کتگ۔ آئی ءَ گوشت کہ ما اوگانستان ءِ جاور ھال آنی سر ءَ ھم گپ ءُ تران کتگ ایشی ءِ تہ ءَ سندھ ءِ آپانی منوگری ھم ھوار اِنت۔ پاکستان ءَ اے گپ ءِ سر ءَ زور پر دات کہ اوگان مٹی پاکستان ءِ ھلاپ ءَ ھچ وڑیں چست ءُ ایر ءِ واستہ کارمرد کنگ مہ بیت۔ سندھ آپانی معاہدے ءِ ھوالگ ءَ من اے گپ ءِ سر ءَ ھم زور پر دات کہ بھارت ءِ نیمگ ءَ اے معاہدے ءِ یک نیمگی مھتل کنگ ءِ پیسلہ میاں اوستمانی کانود ءِ مزنیں ھلاپ ورزی اِنت ءُ پاکستان ءَ را مشترکہ آپی وسیلگ آنی چہ زبھر کنگ ءِ یک خطرناکیں کوشست اِنت۔ اے گامگیج پاکستان ءِ 250 کروڑ مردمانی آپ، وردن ءُ توان ءِ ایمنی ءَ را ھترہ ءِ دیم ءَ کاریت۔ مراگش ءِ تہ ءَ گشتانک دیان ءَ عمان ءِ سلطنت ءِ درئی کارانی وزیر سید بدر بن حمد بن حمود البسعیدی ءَ گوشت کہ عمان ءُ پاکستان ءِ یکجائی وزارتی کمیشن ءِ ھشتمی دیوان ءَ مرچی اسلام آباد ءَ برجم داشتگ ءَ دو نیمگی عمان ءُ دو نیمگی ءِ جاور ھال آنی سر ءَ چار ءُ تپاسی ءِ واستہ یک راستیں ھاسیں موہ ءِ داتگ۔ پاکستان، ءُ کمک ءَ را گیش مھکم کنگ ءِ راہ ءُ درانی نشاندہی کنگ ءَ انت۔ آئی ءَ گوشت کہ نائب مزن وزیر سینیٹر محمد اسحاق ڈار ءَ گوں گند ءُ نند ءِ ساھت ءَ آئی ءَ دوئیں ملک آنی نیام ءَ دیریں سیادی آنی مھکمی ءِ سر ءَ پدا زور پر دات کہ ایشی ءِ بنیات یکجائی راجدپتر، جغرافیائی نزیکی، وت مہ وتی شرپ ءُ احترام ءُ دوئیں ملک آنی اُلس آنی نیام ءَ گیش بوھوکیں ءُ برجاھیں سیادی ءِ سر ءَ اِنت۔ دوئیں نیمگاں اے مھکمیں بنیات ءَ را گیش مھکم کنگ ءُ یک انچیں شریکداری ءَ را دیم ءَ برگ ءِ وتی جزم ءِ سر ءَ زور پر دات کہ دوئیں ملک آنی واھشت ءُ اولویت آناں پیلو بہ کنت۔ آئی ءَ گوشت کہ گپ ءُ تران ءِ تہ ءَ اقتصادی ءُ تجارتی کمک ءِ تہ ءَ ھاسیں رنگ ءَ تجارتی ءُ سرمایہ کاری، بندرگاہ ءِ رابطہ ءُ رسد، توان، وردن ءُ وراک ءِ سلامتی، سیل ءُ سواد، ٹیکنالوجی ءُ وت مہ وتی دلی ءِ ایندگر شوبگ آنی تہ ءَ کمک ءِ تہ ءَ گیشی ءِ سر ءَ گپ ءُ تران بوتگ۔ دوئیں نیمگاں اے گپ ءِ منگ بوت کہ اے دمگ آنی تہ ءَ مزنیں توانائی اے گپ ءَ را کاروبار، سرمایہ کار ءُ سرجمیں معیشت ءِ واستہ ٹھوس موہ آنی تہ ءَ بدل کنگ المی اِنت۔ عمانی ءِ دری کارانی وزیر ءَ گوشت کہ کمیشن ءِ دیوان ءَ کمک ءِ استیں پڑ آنی تہ ءَ پیشرفت ءِ چار ءُ تپاسی ءِ موہ ھم رستگ، سیادی داروکیں کارگس آنی گپ ءُ تران ءِ آسر آنی سر ءَ ھیال ءُ لیکہ کنگ ءُ دوئیں ملک آنی نیام ءَ ھمگرنچی ءَ را گیش مھکم کنگ ءِ واستہ عملی گامگیج آنی سر ءَ ھیال ءُ لیکہ کنگ بوتگ۔ آئی ءَ گوشت کہ برجاہ ادارگی سیادی، جندی شوبگ ءِ نیام ءَ نزیکیں شریکداری ءُ وانگ ءُ زانگ، سائنس، ٹیکنالوجی ءُ مردم آنی نیام ءَ مردم آنی تبادلہ ءِ شوبگ آنی تہ ءَ کمک ءَ را گیش کنگ ءِ ارزشت ءَ را ھم پدر کنگ بوت۔ آئی ءَ گوشت کہ دمگی جاور آنی سر ءَ ھم گپ ءُ تران کنگ بوتگ ءُ دمگی چیلنجز آنی گیواری ءِ واستہ گپ ءُ تران، سفارتکاری ءُ جوڑیشت ءِ ھوار بوھگ ءِ ارزشت ءَ را منگ بوتگ۔ عمان ءُ پاکستان دوئیں دمگی چیلنج آنی گیواری، کش ءُ چیل آنی تہ ءَ کمی ءُ امن ءُ ایمنی ءِ دیمروئی ءِ واستہ گپ ءُ تران ءُ سفارتکاری ءَ را بنیاتی ارزشت ءَ دئیگ ءَ اَنت۔ ما اے گپ ءَ منّیں کہ اختلافات ءِ گیواری ءُ گیشیں دیمروئی ءِ دیم ءَ دارگ ءِ ھاترا تعمیری ھوار بوھگ، یکے دومی ءِ سر ءَ سرپدی ءُ برجاھیں سفارتی کوشست سک باز المی اَنت۔ مئے دوئیں ملک اے رہبندانی برجائی ءِ ھاترا یکجاھی ءَ کار کنگ ءُ یک انچیں عمل ءِ دلبڈی دیگ ءِ ھاترا جزم اَنت کہ آ دیم پہ دیم ءِ سرا گپ ءُ تران ءَ را اولیت بہ دنت۔ آئی ءَ گوشت کہ عمان ایران ءُ امریکہ ءِ نیام ءَ گپ ءُ تران ءَ ھوار گپ ءُ تران ءِ آسراتی ءُ سفارتی کوشست آناں کمک کنگ ءِ تہ ءَ پاکستان ءِ جوڑیشت ءِ کرد ءَ را راستی ءَ ستا کنت۔ اے وڑیں کوشست پہ ھوار بوھگ ءِ موہ پیداک کنگ، اعتماد ءِ جوڑ کنگ ءُ دمگی چیلنج آنی پرامن گیواری ءِ دیمروئی ءِ واستہ المی انت۔ آئی ءَ گوشت کہ ھشتمی گند ءُ نند ءَ وت مہ وتی نپ ءِ جتاجتائیں شوبگ آنی تہ ءَ کمک ءَ را گیش کنگ ءِ واستہ مئے یکجائی جزم ءِ درشان کتگ۔ دوئیں ملک کمیشن ءِ آسر آناں دیم ءَ برگ ءُ مرچی بوتگیں پیشرفت ءَ را برجاہ دارگ ءِ ھاترا دیم ءَ چارگ ءَ اَنت تانکہ گیش متحرک، یکے دومی ءَ را فائدگ مند ءُ آیوکیں وھد ءِ ھاترا دیم ءَ برگ بہ بیت۔ اے موہ ءِ سر ءَ اھوالکار آنی جست آنی پسو ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ گوشت کہ ما اے گپ ءِ سر ءَ تپاک کن ایں کہ ما اے پڑ ءَ برجائی ءِ واستہ وتی کوشست آناں برجاہ دار ایں ۔ آئی ءَ گوشت کہ عمان مئے یک گرانقدر ءُ سک باز ھاسیں شریک اِنت کہ مئے واستہ خطہ ءَ کلیدی ارزشت ءِ واھند اِنت۔ عمان ءِ جغرافیائی جاہ ءُ پاکستان ءِ نزیکی ءَ چہ مئے واستہ خلیج تعاون کونسل ءَ رسگ ءِ ھاتر ءَ یقینی ءِ سرا المی انت۔ ما چین ءُ میان اُستمانی ایشیا ءِ بابت ءَ ھم گپ ءُ تران کت۔ اے یک دوئیں نیمگ ءَ چہ فائدگ مندیں کمک اِنت۔ عمان ءُ پاکستان یکے دومی ءَ گوں نزیکیں ملکانی تہا ہوار انت۔ ھما جاہ ءَ کہ دریا ءِ گپ اِنت، ما یکے دومی ءِ دیم ءَ راستیں جاہ ءَ جاہ منند ایں. آئی ءَ گوشت کہ سید بدر بن حمد بن حمود البسئیدی ءِ دعوت ءِ سر ءَ پاکستان آیوکیں سال 2027ءَ عمان ءَ یکجائی وزارتی کمیشن ءِ نوھمی دیوان ءَ کنت، ءُ مئے اے کوشست دوئیں ملک آنی واستہ پائدگ مند ثابت بنت۔ آئی ءَ گوشت کہ کاروباری ادارگ آنی نیام ءَ براہ راست کمک دو نیمگی تجارت ءَ را دیمروئی دیگ ءِ بنیات انت۔ مئے نیام ءَ تجارتی حجم اطمینان بخش انت بلے ایشی ءَ باز گیش کنگ بوت کنت۔ ایشی ءِ واستہ دوئیں ملک آنی کاروباری برادری آناں یکے دومی ءَ گوں رابطہ ءِ جوڑ کنگ ءُ یکے دومی ءِ کمک ءِ واستہ موہ ءِ پجارینگ المی اِنت۔ یک جست ءِ پسو ءَ عمانی ءِ درئی کارانی وزیر سید بدر بن حمد بن حمود البسئیدی ءَ گوشت کہ امیت انت کہ ایران ءُ امریکہ ءِ نیام ءَ گیشیں جیڈھ آنی سر ءَ گپ ءُ تران ءَ وھد ءِ سر ءَ پیشرفت بیت پرچا کہ اے جیڈھ ھم اے دمگ ءَ جہاز رانی ءِ بحالی ءِ واستہ سک باز المی ءُ ناگزیر انت۔ آئی ءَ گوشت کہ عمان ءِ سلطنت ءِ بستار ءَ ما مفت ءُ بے رکاوٹیں شپنگ ءَ را دل یکیمی کنگ ءِ واستہ جزم آں ۔ ما لوٹیں کہ اے دمگ ءَ جہاز رانی ءِ بحالی بہ بیت پرچا کہ ایشی ءِ ارزشت پہ جھان ءِ معیشت ءُ دمگ ءَ سک باز اِنت۔ ما اے مول ءُ مرادانی سرجم کنگ ءِ ھاترا کنگ بوتگیں ھرچ کوشست ءِ سرجمیں حمایت ءَ کنیں۔