اسلام آباد۔ 07 دسمبر (اے پی پی) سیکرٹری خارجہ تہمینہ جنجوعہ پارینے کہ پاکستان نا حکومت و الس سارک انا مسخت آتا دوئی کننگ اٹ سنبرینگوک ءُ، پاکستان سارک چارٹر نا اصول آتیا پورو باور کیک، سارک ءِ ڈیہہ نا خلقت نا گچینی نا وعدہ نا رداٹ جوڑ کننگا ولے سارک تینا شونداری نا مسخت آتے دوئی کننگ کتنے، ننے معیشت، توانائی ، بنداوی ڈھانچہ و السی رابطہ غاتا بشخ آتے ٹی تین پہ تینی کمکاری ءِ مون آ دننگ کن کوشست آتے ترند کروئی ءِ، سارک اٹی شیف بڑزی بسنے ولے سارک سوگو ءِ۔ داہیت آتے او جمعہ نادے داڑے دفترخارجہ ٹی 34می سارک چارٹرڈے انا دودآن تران کرسا پارے۔ دود اٹی چینی سفیر یاوجنگ تون اوار سارک باسک ملک آتا سفیر، مندوبین و پوریا گر برادری نا نمائندہ غاک بشخ ہلکر۔
