اسلام آباد۔ 07 دسمبر (اے پی پی) علامہ اقبال اوپن یونیورسٹی نا وائس چانسلر پروفیسر ڈاکٹر ضیاء القیوم پارینے کہ پوسکن آ مشین آتیان آراستہ جامعہ نا سائنس لیبارٹریک پٹ وپولی کاریم کن جہانی آب انا رداٹ ءُ نن ملک اٹی پٹ و پولی کلچر ءِ مون آ دننگ کن ایلو تعلیمی ادارہ غاک ہرافتے ٹی دا مشین تا آسراتی میسر اف، نن اوفتا طالب علم آتے ہم ’اے آئی او یو‘ نا لیبارٹری تا کاریم اٹ اتنگ نا موقع فراوان کینہ۔ او جمعہ نادے علامہ اقبال اوپن یونیورسٹی ٹی شعبہ فزکس نا کنڈآن یونیورسٹی نا سائنس لیبارٹری تے ٹی ساڑی جرمنی آن درآمد کروک مشین تیان طالب علم آتے معلومدار کننگ ودا مشین تا سہی کاریم اٹ اتنگ نا وڑوڈول آتیا مسہ دے ئی تربیتی ورکشاپ نا بنائی دیوان آن تران کریکہ۔
