اسلام آباد۔ 06دسمبر (اے پی پی) وزیر خارجہ شاہ محمود قریشی پارینے کہ وزارت خارجہ نا گدرینگوک آ سد دے ئی کارکڑد آ وزیراعظم نا کنڈان تروک آ شاباش کنکن و کنا مچ آ ٹیم اکن بے کچ است بڈ و فخر انا سوب ءِ۔ پنچ شنبے نادے جاری تینا اسہ ٹویٹ اسے ٹی وزیر خارجہ پارے کہ نن اولیکو دفاعی لین نا وڑاٹ پاکستان نا گچین فائدہ ٹی ملکی موقف ءِ جہانی کہول آ پورو تندہی اتون پیش کرساکینہ۔ پاکستان نا خارجہ پالیسی ءِ علاقائی و جہانی رداٹ مثبت وڑاٹ پوسکن آ وڑوڈول آتیا مون آہنسا ہِننگ اُن۔ اوپارے کہ گدرینگوک آ سد دے اٹی نن اقوام متحدہ جنرل اسمبلی ٹی پرزور موقف تننگ، کشمیر ناویل ءِ جہانی کہول آ تالان کننگ ، اوغانستان اٹی امن کن پبی کڑد ادا کننگ، ہمسایہ ملک آتا تین پہ تینی تعلقداری تا اول سر آن احیا، جہانی کہول آ ناموس رسالت ءِ ہرفنگ و کرتارپور راہداری ءِ ملنگ تون اوار سفارتی کہول آ بھاز انگا نمان سرسہبی تے دوئی کرینن۔
