کوئٹہ۔ 06دسمبر (اے پی پی) محکمہ سیکنڈری ایجوکیشن بلوچستان سوشل میڈیا غا محکمہ و سلاہکار تعلیم نا برخلاف چلینگوک آ بے بنداو پروپیگنڈانا ترندی اٹ مذمت ءِ کرسا دُن انگا دروغ نا خبر آتے تالان کروک آ عنصر آتا برخلاف سائبر کرائمز ایکٹ نا رداٹ سخت کارروائی کننگ نا فیصلہ کرینے۔ محکمہ ثانوی تعلیم بلوچستان نا کنڈان ڈائریکٹر سائبر کرائم یونٹ ءِ نوشتہ کروک آ اسہ مراسلہ اسے ٹیی ہمو غٹ بندغ آتا برخلاف کارروائی کننگ نا خواست کننگانے ہرادُن ءُ بے بنداو خبر بلواسطہ یا بلاواسطہ وائرل یا شیئر کننگ ءُ داچرجوئی ٹی محکمہ تعلیم و ایف آئی اے سائبر کرائم یونٹ اسیجا وڑاٹ دُن انگا وٹس اپ گروپ آتا پیدواری ءِ کیرہ ہرافتے ٹی سلاہکار تعلیم و محکمہ نا برخلاف بے وڑی و وڈی خوری نا دوبہ غاتے عائد کننگانے بنائی وڑاٹ دُن انگا گروپ ایڈمن نا برخلاف سائبر کرائم نا رداٹ کارروائی کننگک وخت اس کہ سول کورٹس اٹی ہم زیر دفعہ 500 و 501 ضابطہ فوجداری نا رداٹ مقدمہ غاتے درج کننگک۔
