اسلام آباد۔ 6دسمبر(اے پی پی) سینیٹءِ ڈپٹی چیئرمین سلیم ایچ مانڈوی والا ءَ حالءُ اھیوال کاری ءِ بنجاہی وزیر فواد چوہدری ءِ ایوان ءَ آہگءَ بندش جنگءَ ایر جتگءُ گشتگ کہ کجام ہم مز ن گسی باسک ءِ سرءَ چوں بندش جنگ مہ بیت، فواد چوہدری ءَ گوں گپ کن اَنتءُ جیڑہءَ ر ا گیشءُ گیوار کن اَنت، سینٹءِ چیئرمین ءِ ہوالگءَ چہ مسلم لیگ(ن) ءُ پیپلز پارٹی کجام ہم فیصلہ ءَ کُت کنت۔ پنچ شمبے ءِ روچءَ مزن گسءَ پریس کانفرنس ءَ گوں تران کنانءَ آئیءَ گشتگ کہ روس ءَ یورو ایشیئن سپیکرز فورمءِ ہوالگءَ گامگیج چست کتگ، 40ملک ہوار اَں، ماسکو ءَ 11دسمبر ءَ کانفرنس بیت کہ منءَ ابید چارسینیٹر ہوار بنت، ما فیصلہ کتگ کہ اے ترءُ تابءِ حرچ مے وتی سرءَ بیت، اے یک نوکیں دودے بیت ۔ آئیءَ گشتگ کہ اسپیکرءُ ڈپٹی اسپیکرءِ ترءُ تابءِ ترزءَ مے وزیرانی ترءُ تاب ہم بنت ما لوٹ اَں کہ ہمک جیڑہ کہ انچو گیشءُ گیوار نہ بیت مزن گسی تکءَ آئیءَ را گیشءُ گیوار کنگ بہ بیت۔
