لندن۔06دسمبر(اے پی پی) حالءُ اھیوال کاری ءُ شنگکاری ءِ بنجاہی وزیر چوہدری فواد حسین ءَ گشتگ کہ سی پیک ہاسیں اقتصادی منصوبہ اِت، یورپی یونین ءَ ہوار دگہ ملک ایشیءِ اقتصادی موہءَ چہ پائدگ چست کت کن اَنت۔ کرتار پور راہداریءِ بنگیج کنگءَ راج دپترءَ نوکیں داستانے ننشتہ کنگ بوتگ ، مزن وزیر عمران خان ءِ منصوبہ سمبھالگءَ پد سعودی عرب ءُ چین ءَ گوں سیادی گیش بوتگ اَنت، پاک امریکہ سیادی گہتر بوتگ ۔ بنجاہی وزیر ءَ گشتگ کہ پاکستان یک زیبائیں ملک اِت کہ ایشی ءَ را سرجمیں دنیا شریءَ نازانت، 1980ءَ تبائی ءِ آماچ بوتگ۔ آئیءَ گشتگ کہ پاکستانءَ میڈیا ءُ آمید گس آزات اَنت۔ آئیءَ گشتگ کہ مزن وزیر عمران خان ءِ سروکی ءَ حکومت جوڑ بوہگ پاکستانی راج ءِ سیاسی محکمی ایں ، پاکستان تحریک انصاف ءِ حکومت کرپشنءُ ’’ سٹیٹس کو‘‘ ءِ حلاپءَ آشوبے ۔ آئیءَ گشتگ کہ پاکستان بھارتءَ ہوار وتی سرجمیں ہمسائگاں گوں جوانیں سیادی لوٹ ایت، امریکہ ءَ گوں سیادی ءَ گہتری پیداک ایں۔ چوہدری فواد حسینءَ گشتگ کہ مزن وزیر عمران خان ءِ سروکی ءَ پاکستان راستیں نیمگے ءَ رہادگ ایں۔ ایشی ءَ پد بنجاہی ءَ انٹرنیشنل اسٹی ٹیوٹ آف سٹریٹیجک سٹیڈیز ءِ مزن تکءِ عہدگ دارا ں گوں گندءُ نند کتگ، بنجاہی وزیرءَ را انسٹی ٹیوٹ ءِ ڈھانچے ءُ ورکنگ ءِ ہوالگءَ شونشت دیئگ بوتگ۔ بنجاہی وزیر چوہدری فواد حسینءَ آئی آر ایس ءَ نوکیں ترزءَ کنگءِ واہشت ءِ درشانی کتگ، اے موہءَ انسٹی ٹیوٹ آف ریجنل سٹڈیز ءُ انٹرنیشنل انسٹی ٹیوٹ آف سٹریٹیجک سٹیڈیز ءِ نیامءَ کمک گیش کنگءِ سرءَ گپءُ تران کنگ بوتگ۔
