سیاسی ءُُ اقتصادی کمک ءِ تہ ءَ گیشی ءِ سر ءَ تپاک
وزیر درئی کار ءَ نامداریں جرمن گاڑی جوڑ کنوک واکس ویگن ءِ نیمگ ءَ پاکستان ءَ گاڑی ءِ جوڑ کنگ ءِ کارخانہ جنگ ءِ پیسلہ ءَ را وش اتک کت، جارچین درئی کارانی کارگس
اسلام آباد ۔ 6 دسمبر (اے پی پی) وزیر ءِ درئی کار شاہ محمود قریشی ءَ گوں جرمنی ءِ سفیر مارٹن کوبلر ءَ گوں گند ءُُ نند ءَ پاک جرمن دونیمگی یکوئی آنی تہ ءَ جوانیں دیمروئی ءِ سبب ءَ دوئیں ملک آنی نیام ءَ سیاسی ءُُ اقتصادی کمک ءِ تہ ءَ گیشی ءِ سر ءَ تپاک کنگ بوتگ، وزیر ءِ درئی کار ءَ نامداریں جرمن گاڑی جوڑ کنوک واکس ویگن ءِ نیمگ ءَ پاکستان ءَ گاڑی ءِ جوڑ کنگ ءِ کارخانہ جنگ ءِ پیسلہ ءَ را وش اتک کتگ۔ وزیر ءِ درئی کار شاہ محمود قریشی ءُُ پاکستان ءَ جرمنی ءِ سفیر مارٹن کوبلر ءِ نیام ءَ پنچ شمبے ءِ روچ ءَ وزارت ءِ درئی کار ءَ گند ءُُ نند کت۔ درئی کارانی کارگس ءِ جارچین ءِ رد ءَ گپ ءُُ تران ءِ ساھت ءَ وت مہ وتی واھگی کار آں ابید دمگی سلامتی کار آنی سر ءَ ھیال ریچی کنگ بوت۔ پاکستان ءُُ جرمنی ءِ نیام ءَ دونیمگی یکوئی آنی سرءَ جوانیں دیمروئی ءِ سبب ءَ دوئیں ملک آنی سیاسی ءُُ اقتصادی کمک ءِ تہءَ گیشی یے سر ءَ تپاک کنگ بوت۔ وزیر ءِ درئی کار ءَ اے موہ ءِ سر ءَ گوشت کہ یورپی یونین ءَ جرمنی پاکستان ءِ درستاں چہ مستریں تجارتی شریکدار اِنت۔ وزیر ءِ درئی کار مخدوم شاہ محمود قریشی ءَ نامداریں جرمن کار جوڑ کنوک واکس ویگن ءِ نیمگ ءَ پاکستان ءَ گاڑی ءِ جوڑ کنگ ءِ کارخانہ جنگ ءِ پیسلہ ءَ را وش اتک کت۔ جرمن سفیر ءَ دمگی ایمنی ءُُ برجائی ءِ بابت ءَ پاکستان ءِ کوشست آناں ساڑات۔
