اسلام آباد۔5دسمبر(اے پی پی) ملکءِ صدر ڈاکٹر عارف علوی ءَ گوں پریس کونسل آف پاکستان ءِ چیئرمین ڈاکٹر ایم صلا ح الدین مینگل ءَ چارشمبے ءِ روچءَ ایوان صدرءَ گندءُ نند کتگءُ کونسل ءِ سالانہ رپورٹ پیش کتگ۔ ملک ءِ صدرءَ کونسل ءِ کردءَ را ساڑاتگءُ گشتگ کہ کونسل ءُ وزارت اطلاعات شکایات ءِ ہلاس کنگءُ پہ پرنٹ میڈیا ءَ ضابطہ اخلاق ءِ سرءَ عمل کنگءَ رھبند جوڑ بہ کنت۔ صدرءَ گشتگ کہ ما انچیں دورےءَ اَں کہ پرنٹ ، الیکٹرانک ءُ ڈیجیٹل میڈیا وت مہ وتءَ بندوک بوہگءَ اَں ءُ حالاناں گیش کنگءِ نوکیں عکسے جوڑ کنگءَ اَنت۔ صدرءَ گشتگ کہ نوں میڈیا دونیمگی کمیونیکیشن ءِ وسیلگ جوڑ بوہگءَ ایں ۔حالءُ اھیوال کاری ءُ شنگکاری ءِ سیکرٹری شفقت جلیل کہ گندءُ نندءَ ساڑی بوتگ، آئیءَ ملک ءِ صدرءَ را حال داتگ کہ پاکستان میڈیا ریگولیٹری اتھارٹی ءِ جوڑ کنگ (کنسیپٹ پیپر)وتی گڑی بھرءَ ایں ۔
