اسلام آباد۔ 5دسمبر(اے پی پی) ملک ءِ صدر ڈاکٹر عارف علوی ءَ پاکستان ءُ مراکش ءِ نیامءَ بیپاری ءُ اقتصادی سیادی ءَ را گیش کنگءِ سرءَ زور پِرداتگءُ گشتگ کہ اے ہوالگءَ بیپاری یکے دومی ءِ ملکءَ ترءُ تاب کنگ باز ارزشت داریت۔ آئی ءَ اے گپ مراکش ءِ سفیر محمد کارمونے ءَ گپءُ تران کتگءُ گشتگ کہ آہاں چارشمبے ءِ روچءَ ایوان صدرءَ گندءُ نند کتگ۔ صدرءَ گشتگ کہ پاکستان مراکش ءَ گوں وتی سیادی ءَ را سک باز ارزشت دنت۔ ڈاکٹر عارف علوی ءَ گشتگ کہ پاکستان متبادل توانائی ءُ سیل ءُ سوادءِ پڑاں مراکش ءِ تجروبتاں چہ پائدگ چست کُت کنت۔ صدرءَ مراکش ءِ بادشاہ محمد ششم ءَ را پاکستانءَ ترءُ تاب کنگءِ دعوت ہم داتگ۔
