بُنجاھی وزیر اھوالکاری ءُُ شنگ کاری چوہدری فواد حسین ءِ وزیر ءِ ھزانگ اسد عمر ءِ ھوالگ ءَ شنگ بوتگیں ھال ‘ وتساچ ءُُ دروگ
وزیر ء، ھزانگ ءِ ھوالگ ءَ ردئیں ءُُ دروگیں ءُُ بے سرئیں پروپیگنڈا آنی مول ءُُ مراد جوانیں ملکی معیشت ءِ تہءَ پینگ جنگ ، بُنجاھی وزیر اھوالکاری ءُُ شنگ کاری چوہدری فواد حسین
لندن۔ 5 دسمبر (اے پی پی) بُنجاھی وزیر اھوالکاری ءُُ شنگ کاری چوہدری فواد حسین ءَ وزیر ءِ ھزانگ اسد عمر ءِ ھوالگ ءَ شنگ بوتگیں دروگیں ھال آناں ترندی ءَ رد کنان ءَ گوشت کہ وزیر ءِ ھزانگ ءِ ھوالگ ءَ ردئیں ءُُ بے سرئیں پروپیگنڈا ءِ مول ءُُ مراد جوانیں ملکی معیشت ءِ تہ ءَ پینگ جنگ انت۔ چار شمبے ءِ روچ ءَ وتی بیان ءِ تہ ءَ بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ اسد عمر وتی جوانیں ازمکاری ءُُ ازمت ءِ گوما کار کنگ ءَ اِنت، ملکی معیشت ءِ برجائی ءِ واستہ آئی ءِ کزبی لائکی ارزشتی ایں کرد سہرا اَنت۔ آئی ءَ گوشت کہ مزن وزیر عمران خان وزیر ءِ ھزانگ اسد عمر ءِ ازم ءَ چہ دل یکیم اِنت، ملک ءِ سرمایہ کاری ءُُ برآمدی چیز آنی تہءَ گیشی بوھگ ءَ اِنت وھدیکہ درآمدی چیز آنی تہ ءَ کمی بوھگ ءَ انت، شنگ بوھوکیں زرّ ءِ نیاد گیش ودگ ءَ اِنت۔ آئیءَ گوشت کہ آ روچ دور نہ اِنت وھد ءِ پاکستان ءِ معیشت ءَ پاکستان ءِ سیاست ءِ وڑ ءَ یک المی ایں جوانیں مٹ ءُُ بدلی ءِ کار ءِ سرجم بیت۔
